AQŞ keşe Reseige qarsy sanksiialar auqymyn keŋeittı. Onyŋ şeŋberıne bırqatar kompaniialar men jekelegen azamattar tüsıp qaldy. Vaşington būdan bölek, Reseidıŋ eldegı jüzdegen million dollaryna tūsau saldy. Bıraq Mäskeu būdan aiylyn jiia qoiǧan joq. Ol Ştattarǧa qarama-qarsy sanksiia salatynyn jariia ettı. Osy ekı ortada Serbiia AQŞ-tyŋ talabymen Reseige sanksiia qoimaitynyn mälımdedı. Al İran özınıŋ tarihyndaǧy tūŋǧyş istrebitelın jasap şyǧardy. Qytai sauda jönınde kelıssöz jürgızu üşın AQŞ-qa delegat attandyrdy. Venesuela azyq-tülık baǧasyn yryqtandyru saiasatyn qolǧa aldy.
BALASYNAN BAS TARTTY
Şeşenstan tūrǧyny Ramzan Musaev jergılıktı poliseilerge şabuyl jasaudy ūiymdastyrǧan ūlynan bas tartty.
Oqiǧa būdan üş kün būryn Şali audanynda oryn aldy: jastary 11-18 aralyǧyndaǧy bırneşe jasöspırım düisenbı künı «jūrtty dürlıktıretın qylmys» jasau üşın jergılıktı ışkı ıster bölımınıŋ qyzmetkerlerıne qaru ala jügırgen. Olardyŋ bärı ūrys barysynda atyp öltırıldı. Bıreuı özın-özı jarmaq bolyp, jarylys jasaǧannan keiın auyr jaraqat alyp, auruhanada jan täsılım ettı.
Osy jas laŋkesterdı aitaqtap jürgen Ramzan Musaevtyŋ ūly Magomed bolyp şyqty. Ol būdan būryn özıne küdık tüskende äkesı ara tüsıp, alyp qalǧan. Bıraq äke aitqanynda tūryp, balasyn adal jolǧa qaita sala almady. Sondyqtan ol qasköi ūlynan resmi türde bas tartuǧa mäjbür boldy.
BAIý DEGEN DE BIR SÄTTE EKEN
Belgiia tūrǧyny europalyq EuroMillions lotereiasynan 107 mln euro ūtyp aldy.
Eldıŋ tūrǧyndary osy oiynnyŋ arqasynda jyl saiyn millionerler qataryn bırer adamǧa köbeitıp keledı. Osylaişa, mäselen, 2016 jylǧy qazanda Briusselde köşe sypyruşy bolyp jürgen bır jıgıt EuroMillions djekpotynan 168 mln euro ūtyp, aiaq astynan millioner bolyp şyǧa keldı. 2017 jyly mūndai baqytqa ekı adam qol jetkızdı. Olardyŋ bırı lotereiadan 153 mln ūtyp alsa, ekınşısı 23 mln eurony qaltaǧa saldy.
68 JYLǦA SOZYLǦAN ÜZILIS
Oŋtüstık Koreiada tūratyn Li Keum-Seom esımdı keiuana äiel öz ūlymen 68 jyldan keiın kezdestı.
KHDR azamaty Sang Chel tuǧan anasymen kezdesuge 20 tamyzda ekı Koreianyŋ kelısımımen ötkızılgen «tuystar kezdesuı künınde» qol jetkızdı.
Kezdesu Soltüstık Koreianyŋ oŋtüstık-şyǧys jaǧalauyndaǧy Maunt-Kumgan kurortynda öttı. Oǧan Qyzyl Krest qoǧamynyŋ qyzmetkerlerı qatysty.
Resmi aqparat közderı 92 jastaǧy Li Keum-
Seomnyŋ ūlyn soŋǧy ret 4 jasynda körgenın mälımdeidı. Būl otbasy 1953 jyly Koreia soǧysy kezınde ekıge bölınıp qalǧan eken.
Kezdesude Sang anasymen kezdesuge sol jaqta özımen bırge qalǧan öz äkesınıŋ suretın ala kelıptı.
