ALAIаQTARǦA AQŞA BERMEITIN BANKOMAT
Japoniiada alaiaqtyqpen ainalysyp jürgenderge qarsy tūratyn alǧaşqy bankomat aşyldy. Onyŋ jūmysymen Hitachi kompaniiasy ainalysyp jatyr.
Jaŋa bankomattyŋ bır erekşelıgı ışkı-syrtqy dizainy tolyǧymen özgergen. Sol siiaqty ainalasyna qosymşa kameralar men adamnyŋ dauysyn, türın aiyra alatyn apparattar ornatylǧan. Aita keterlıgı, bankomattan aqşa almaq bolǧan adamǧa közıldırıgın, bas kiımın, sondai-aq bet-älpetın anyqtauǧa kedergı keltıretın özge de aksessuarlaryn şeşu talap etıledı.
The Mainichi basylymynyŋ habarlauynşa, jaŋa bankomat qazır Aiti prefekturasyndaǧy Honsiu aralynda ornatylyp, synaqtan ötıp jatyr.
EBOLA INDETI DENDEP BARADY
Kongo Demokratiialyq Respublikasynda ebola ındetı beleŋ alyp barady. BBC mälımetı boiynşa, şılde aiynan berı būl elde 200-den astam adam köz jūmǧan.
«10 qaraşadaǧy jaǧdai boiynşa 326 adam ebola auruyn jūqtyrdy degen küdıkke ılındı. Onyŋ 291-ınde däleldense, 35 adam zerttelıp jatyr» dep jazdy eldıŋ densaulyq saqtau ministrlıgı. Soŋǧy bırneşe künde 7 adamnyŋ auyrǧany anyqtalyp, onyŋ 3-euı ölımmen aiaqtaldy. Sol siiaqty atalǧan derttı jūqtyrǧan 98 adam aiyqqan. 8 tamyzdan berı Kongo elınde 28303 adamǧa qauıptı auruǧa qarsy vaksina salyndy.
Ebola adamǧa jabaiy januarlar arqyly jūǧady. Būlşyqet, bas, tamaq auruy alǧaşqy belgılerı bolyp esepteledı. Ary qarai bas ainalyp, büirek, bauyr aǧzalarynyŋ jūmysy būzylady.
GAZA SEKTORYNDA JAǦDAI QAITA UŞYQTY
TASS agenttıgınıŋ habarlauynşa, İzrail tarapy Gaza sektoryna 7 raketa ūşyrypty. Al jauap retınde qarsy baǧytqa 10 raketa jıberılgen.
Gaza sektorynda mūndai şabuyldyŋ saldarynan qaza bolǧandar men jaralanǧandar bar. Alaida naqty sany äzırge belgısız. Al İzrailde ofiserlerdıŋ bırı mert bolsa, endı bırı jaraqat alǧan. Jaǧdaidyŋ uşyǧuyna bailanysty İzraildıŋ premer-ministrı Biniamin Netaniahu Parijge arnalǧan ıssaparyn toqtatyp, elıne qaituyna tura keldı.
Ötken jyldyŋ jeltoqsan aiynda AQŞ prezidentı Donald Tramp İerusalimdı İzraildıŋ astanasy retınde moiyndaǧannan keiın ekı tarap arasynda qaqtyǧystar jiılep kettı.
