Keşe Bas prokuratura men QR IIM Astana qalasy äkımınıŋ qoldauymen jüzege asyrylatyn «Elektrondy hattama» jobasyn tanystyrdy.
Būdan bylai polisiia qyzmetkerlerı jol erejesın būzǧan azamattarǧa hattama toltyryp, uaqyt ötkızbeitın boldy. Bar bolǧany 3-5 minut ışınde qūjatyŋyzdaǧy JSN nömırın planşetke engızıp, elektrondy qoltaŋba arqyly aiyppūl sala alady.
Düisenbıde Astana qalasynyŋ äkımı Äset İsekeşevtıŋ qatysuymen qūqyq qorǧauşylarǧa elektrondy hattamany toltyruǧa arnalǧan 50 planşet tabystaldy. Jyl soŋyna deiın taǧy 150 planşet beru közdelıp otyr. Būǧan qosa, hattamanyŋ köşırmesın basyp beretın termoprinterler de bar.Osynyŋ arqasynda kölık jürgızuşılerı de, ışkı ıster organdary da bırjolata qaǧazbastylyqtan qūtylatyn boldy. Elektrondy hattamanyŋ aiyppūlyn internet nemese bank arqyly töleuge bolady. Aldaǧy uaqytta post-terminaldar arqyly töleu qyzmetın de engızu josparda bar.
– Alda taǧy qūrylys, jer qatynastary, PİK, bılım beru, densaulyq saqtau boiynşa 20 jobany ıske asyrudy qolǧa aldyq. Onyŋ barlyǧy tūrǧyndardyŋ memlekettık qyzmettı tez ärı oŋai paidalanuy üşın jasalyp otyr, – dedı qalabasşysy Äset İsekeşev.
