Qoǧamdyq kölıkke arnalǧan elektrondy kartaǧa suretke tüsu räsımı bastaldy. Būl şarany Astana qalalyq Jolauşylar kölıgı jäne avtomobil joldary basqarmasy men «Astana LRT» kompaniiasy bırlesıp ūiymdastyryp otyr.
Bügınde Saryarqa, Esıl jäne Almaty audandary boiynşa 25 fototırkeu punktı aşylǧan. «Suretke tüsu de, kartany daiyndau da tegın. Būl kartalar elektrondy jüie engızılgen soŋ ielerıne tabystalady» delıngen qalalyq äkımdıktıŋ resmi saitynda.
Jol jüru qūnyn elektrondy karta arqyly töleu qoǧamdyq kölıktegı bırneşe mäselelerdı joimaqşy. Bır rettık jol jüru biletterı men jolauşylar sany jaily naqty aqparattyŋ bolmauy, qoǧamdyq kölık qyzmetkerlerınıŋ kırıs somasyn jasyruy jäne aqşalai töleudıŋ yŋǧaisyzdyqtary endı şeşıletın bolady.
Astanada 90 myŋnan astam azamat jeŋıldıkpen jol jüru qūqyna ie eken. Olarǧa Ūly Otan soǧysynyŋ ardagerlerı, zeinetkerler, memleket tarapynan äleumettık järdemaqy alatyndar, köpbalaly otbasylar, mümkındıgı şekteulı jandar, studentter jäne mektep oquşylary kıredı.
Fototırkeu tamyz aiynyŋ soŋyna deiın jüredı. Suretke tüsu üşın jeke kuälıktı qosa alyp baru qajet. Qosymşa tuyndaǧan sūraqtardy 57-47-77 nömırınen bıle alasyzdar.
