«Nūr Otan» partiiasy Astana qalalyq filialynda «Joǧary tehnologiialardyŋ damuy» partiialyq tälımgerdıŋ komissiiasy aiasynda «Elektrondy PİK» jobasyn jüzege asyru» taqyryby şeŋberınde döŋgelek üstel öttı.
«Astana Innovations» AQ basqarma töraǧasynyŋ orynbasary
Jannat Dubirova jaŋa jobasynyŋ jüzege asuy turaly baiandama jasady. Atalmyş jobanyŋ tiımdılıgı men aldaǧy uaqytta būdan da jaqsarta tüsu josparda tūrǧanyn atap ötken ol qazırgı uaqytta elordadaǧy 255 päter ielerı kooperativterınıŋ elektrondy PİK jüiesıne tırkelgenın tılge tiek ettı. «Astana Innovations» AQ jobaǧa qatysqan kompaniialardyŋ ışınen beseuın, iaǧni «Astana Open Sity» JŞS, «Elordany tūraqty damytu ortalyǧy» JŞS, «Retail Solutions» JŞS, «Smartnet» JK, «Cloudmaker» JŞS kompaniialaryn ırıktep alyp, olardyŋ jūmystaryn köpşılıktıŋ paidalanuyna ūsynǧan bolatyn. Jannat Dubirova jaŋa jüienıŋ oidaǧydai jüzege asyp jatqanyn
jetkızdı.
Öz kezegınde Tūrǧyn üi inspeksiiasy basqarma basşysynyŋ orynbasary Azamat Ämırjanov «e-PİK» elektrondy jüiesınıŋ tiımdılıgı turaly jäne tūrǧyndarǧa qalai taralyp jatqany jaily baiandady.
– Elektrondy PİK jüiesınıŋ tiımdı jaqtary öte köp. Būl jüiege jūrtşylyqtyŋ jappai köşuı üşın äleumettık jelılerde jarnama jūmystary jürgızılude. Būl joba PİK jūmysyn edäuır jeŋıldetedı. Uaqytty da tiımdı paidalanuǧa mümkındık beredı. Al tūrǧyndar üşın tiımdı jaqtarynyŋ bırı – qauıpsızdıktı qamtamasyz etedı. Öitkenı özderın PİK qyzmetkerı retınde tanystyryp, päterge aldap kıretın qylmysker men alaiaqtarǧa esık aşpas üşın tūrǧyndar e-PİK qosymşasy arqyly kooperativ mamandarynyŋ kele jatqanynan habardar bolyp otyrady. Sonymen qatar päter ielerı osy mobildı
qosymşasy arqyly tūrǧyndarǧa ortaq pıkır alaŋyn aşyp, üidıŋ kütımıne qatysty jaittardan aqparat almasuǧa da mümkındık bar. Būl rette päterın jalǧa berıp, özderı basqa qalada tūratyn azamattar da osy ortaq pıkır alaŋyna müşe bola alady, – deidı Azamat Ämırjanov
söz arasynda.
Astana qalasy «Bäiterek» PİK
qauymdastyǧynyŋ töraǧasy Mizambek Kenjebaev pen «e-home» kompaniiasynyŋ bas direktory Talǧat Mūhametqaliev ta baiandama jasap, jiynǧa qatysuşylardyŋ saualdaryna jauap berdı.
Nūrdäulet Käkışev
