Elge qyzmet etu – abyroily mındet
Keşe QR Memlekettık qyzmet ısterı ministrı Talǧat Donaqov halyq aldynda esep berdı. Kezdesude ol özı basqaratyn ministrlıktıŋ bügınge deiın atqarǧan jūmystary men aldaǧy jospary jönınde baiandady.
Elbasynyŋ käsıbi memlekettık apparat qūruǧa bailanysty jüktegen tapsyrmalaryna säikes, biylǧy jyldyŋ basynan bastap memlekettık qyzmet salasy qaita jaŋaryp, jaŋa zaŋ qabyldanǧany belgılı. Būl özgerıster ekonomikalyq reformalardy sapaly ıske asyryp qana qoimai, sybailas jemqorlyqpen küres şaralaryn küşeituge de yqpal etpek. Sondai-aq, jaŋa talaptar memlekettık qyzmetşınıŋ el aldyndaǧy bedelın köterıp, abyroiyn asyrady degen senım bar. Reformanyŋ maŋyzy men erekşelıgıne keŋınen toqtalǧan ministr memlekettık qyzmettegı bügıngı kadrlar barlyq talapqa sai ekenın atap öttı.
Talǧat Donaqov eseptık kezdesuınde tömengı lauazymdarǧa kandidattardy ırıkteu jäne odan ärı lauazymdyq ösu jönınde, konkurstyq ırıkteudıŋ erekşelıgı men testıleudı ūiymdastyruǧa qatysty özgerıster turaly da äŋgıme örbıttı. Ministrdıŋ aituynşa, memlekettık qyzmetşılerdıŋ jalaqy kölemı de artyp, olardy äleumettık jaǧynan qamtamasyz etu kezeŋ-kezeŋımen jüzege asyrylyp keledı. «Soŋǧy ret eŋbekaqy 30 paiyzǧa köbeidı. Būǧan qosa, «Memlekettik qyzmet turaly» jaŋa zaŋ bonustar men üstemeler töleu mümkindigin de qarastyrady. Bügingi taŋda memlekettik qyzmetke baǧalau jüiesi engizilgenın erekşe atap ötken jön. Qazir ol beiimdelu kezeŋi satysynda. Kelesi jyldan bastap jüieni tolyqqandy iske qosudy josparlap otyrmyz» dedı ol.
QR Memlekettık qyzmet ısterı ministrı memlekettık qyzmet salasyndaǧy statistikany da jariia ettı. Onyŋ mälımetınşe, qazırgı künı memlekettık qyzmet salasynda 99 myŋ adam eŋbek etedı. Olardyŋ 48 paiyzy – äielder.
Mūnda jūmys ısteitın «Bolaşaq» baǧdarlamasy tülekterınıŋ qatary da artyp, soŋǧy üş jylda olardyŋ sany 39 paiyzǧa köbeiıptı. «A» korpusynda – 493, saiasi memlekettik qyzmetkerler korpusynda 422 adam bar. Memlekettik qyzmetkerlerdiŋ orta jasy – 35.
Al memlekettık qyzmet salasynda äzırge 7 myŋnan asa bos oryn tūr.
Ministr ärbır memlekettık qyzmetkerdıŋ negızgı mındetı elge adal qyzmet etu ekendıgın, osy salada jürgender memlekettıŋ damuyna üles qosatynyna senım bıldırdı. Baiandamadan keiın elımızdıŋ tükpır-tükpırındegı tūrǧyndar kökeiınde jürgen saualdaryn ministrdıŋ özıne onlain rejim arqyly tıkelei qoiyp, tiıstı jauabyn aldy.
Qymbat TOQTAMŪRAT