Elorda äkımdıgı «Astana – denı sau jäne sportpen şūǧyldanatyn adamdar qalasy» aksiiasyn qorytyndylady
Elorda äkımdıgı «Astana – denı sau jäne sportpen şūǧyldanatyn adamdar qalasy» aksiiasyn qorytyndylady. Onyŋ maqsaty – elordalyqtardy sportqa baulu. Memleket basşysy atap ötkendei: Denı sau ūlt – Qazaqstannyŋ jetıstıkke jetuınıŋ kepılı». Qazaqstan Respublikasy Prezidentınıŋ tapsyrmalary aiasynda maŋyzdy mındet qoiyldy – 2020 jylǧa qarai halyqtyŋ 30%-yn dene şynyqtyru men sportqa tartu. Osyǧan bailanysty bır ai boiy elordalyq sport alaŋdary men saiabaqtarda türlı būqaralyq sporttyq jarystar ūiymdastyryldy, oǧan 50 myŋnan astam qala tūrǧyny qatysty.
Är demalys saiyn Astananyŋ 9 parkınde saǧat 18.00-20.00 aralyǧynda zıltemır, gır köteruden jarystar, stritbol, şahmattan saiystar, arqan tartu, sondai-aq, otbasylarǧa arnalǧan «Köŋıldı starttar» ötkızıldı.
Futbol men hokkeiden jarystar qatysuşylardyŋ erekşe qyzyǧuşylyǧyn oiatty, atu, şahmat, toǧyzqūmalaq, krossfit, jürdek mänerlep kölık jürgızuden de saiystar ūiymdastyryldy. Sport ardagerlerı men äuesqoilary velosporttan Qazaqstan kubogynyŋ II kezeŋı aiasynda būqaralyq jarysqa qatysty. Aksiiaǧa «Däuet» jäne «Barys» sport keşenderı de atsalysty. «Astana Marafon – 2016» halyqaralyq qaiyrymdylyq jügıruıne 4500 artyq adam qatysty. Sonyŋ ışınde memlekettık qairatkerler, elşılıkter men halyqaralyq kompaniialardyŋ qyzmetkerlerı – älemnıŋ 23 memleketınıŋ ökılderı bar.
Sonymen qatar, «Qazanat» atşabarynda ūlttyq sport türlerınen QR Täuelsızdıgınıŋ 25 jyldyǧyna arnalǧan bırınşı «Astana jūldyzy» respublikalyq turnirı öttı. Turnirge elımızdıŋ öŋırlerınen jüzden astam sportşy qatysty.
«Ūlttyq sport türlerı bızdıŋ tereŋ tarihymyz ben mädenietımızdıŋ ajyramas bölıgı. Astana qalasynyŋ äkımdıgı ūlttyq sport oiyndarynyŋ jandanuyna, būqaralyq sportty damytuǧa jäne salauatty ömır saltyn qalyptastyruǧa ünemı qoldau körsetıp keledı. Osy maqsatta jyl saiyn elordada 200 astam şara men ūlttyq oiyndardan jarystar ötkızıledı. Endı osy jobany da jüzege asyrdyq. Elorda äkımdıgı aldaǧy uaqytta da osyndai jobalardy qoldap, ūlttyq sport türlerı men salt-dästürlerımızdı nasihattauǧa köŋıl böletın bolady», – dep atap öttı Äset İsekeşev.
Astana äkımınıŋ aituynşa, «Qazanat» atşabarynda jalpy köpşılıktı ūlttyq sport türlerıne baulityn arnaiy Ortalyq aşu josparlanyp otyr. Jalpy aldaǧy ekı jylda Astana äkımdıgı būqaralyq sportty damytu üşın 22 sport alaŋyn salady.
astana.gov.kz
