Elordada jastarǧa arnalǧan «Elorda Jastary» atty arnaiy tūrǧyn üi baǧdarlamasy ıske qosylady. Būl baǧdarlama bas qaladaǧy jas mamandarǧa jeŋıldetılgen äleumettık nesie aluǧa baǧyttalǧan. Mūndai quanyşty habardy keşe Nūr-Sūltan qalasynyŋ äkımı Altai Kölgınov jetkızdı.
«Qūrmettı qala tūrǧyndary! Sızderge aitar quanyşty habarym bar! Elordada jastarǧa arnalǧan «Elorda Jastary» arnaiy tūrǧyn üi baǧdarlamasyn ıske qosamyz. Jeŋıldetılgen äleumettık nesielendıru tūrǧyn üi baǧdarlamasy elordanyŋ jas mamandaryna arnalǧan. Mysaly, būl Nūr-Sūltan qalasynda «jetım balalar» sanaty boiynşa tūrǧyn üige kezekte tūrǧandarǧa, densaulyq saqtau, bılım beru, äleumettık, mädeniet jäne sport salalary, joǧary oqu oryndary men ǦZİ, polisiia departamentı, TJD qyzmetkerlerı, kommunaldyq käsıporyndardyŋ beiındı qyzmetkerlerıne jäne t. b. arnalǧan» dep tüsındırdı äkım.
Altai Kölgınov jastarǧa arnalǧan tūrǧyn üi baǧdarlamasyn ıske asyruǧa «Otbasy bankı» men 2021-2023 jyldarǧa arnalǧan «Elorda Jastary» baǧdarlamasy kömektesetının aitty. «Elorda Jastary» jastarǧa, sonyŋ ışınde tūrǧyn üi salasy boiynşa tolyq qoldau körsetuge baǧyttalǧan. Sonymen qatar «Elorda Jastary» baǧdarlamasynda bılım beru, jūmyspen qamtu, bos uaqytty paidaly ötkızu jäne taǧy basqa baǧyttar bar» dedı qala basşysy.
Äkımnıŋ aituynşa, būl baǧdarlamaǧa 35 jasqa deiıngı (35 jasty qosa alǧanda, jūbaiynyŋ/zaiybynyŋ jasy maŋyzdy emes) jastar qatysa alady. Olarǧa mynadai talaptar kıredı: kemınde 1 jyl qalada tırkeluı tiıs, «Otbasy bankte» jinaq şoty bar, baǧdarlama ümıtkerınıŋ jeke tūrǧyn üiı bolmauy tiıs (soŋǧy 5 jyl ışınde), kemınde 1 jyl resmi jūmys ötılı boluy şart.
«Osylaişa atalǧan tūrǧyn üi baǧdarlamasyna qatysuşy baspana satyp aluǧa 18 mln teŋgege deiın (jyldyq 5 paiyz jeŋıldıkpen) qaryz ala alady. Satyp alatyn tūrǧyn üidıŋ qūny – şekteusız. Qaryz 25 jylǧa deiıngı merzımge berıledı. Ötınımderdı qabyldau 14 qazanda bastalady, qatysu. zhilfond.kz portalynda jüzege asyrylady. Qatysuşylardyŋ sanattary, tūrǧyn üi alu talaptary men algoritmı boiynşa qosymşa aqparatpen Nūr-Sūltan qalasy äkımdıgınıŋ «Tūrǧyn üi qory» mekemesınıŋ saitynda (zhilfond.kz) tanysuǧa bolady. Ötınışterdı qabyldau merzımı aiaqtalǧannan keiın qatysuşylardy ırıkteu baldyq jüiege säikes bastalady» dedı A.Kölgınov.
Sonymen qatar biyl Elbasynyŋ bastamasymen qolǧa alynǧan «Jūmys ısteitın jastarǧa jalǧa berıletın tūrǧyn üi» baǧdarlamasy jalǧasady. Osy baǧdarlama aiasynda 1 myŋnan astam jas baspanaǧa qol jetkızedı.
