Aqtau qalasynda QR Prezidentı Nūrsūltan Nazarbaevtyŋ syilyqtaryna VI halyqtyq sport oiyndary öttı. Tört jylda bır ūiymdastyrylatyn keşendı jarysta 13 sport türınen 2500-den asa sportşy bäsekege tüstı. Astana qalasynyŋ qūramasy bärınen ozyp, jalpyqomandalyq esepte bırınşı oryndy jeŋıp aldy.
«Sportşylarymyz elorda Qazaqstannyŋ qarjylyq jäne mädeni ortalyǧy ǧana emes, sporttyq astana atanuǧa laiyq ekendıgın däleldedı. Būl bärımız üşın zor maqtanyş» deidı Astana qalasy Mädeniet jäne sport basqarmasynyŋ basşysy Bolat Majaǧūlov.
Astana qūramasynyŋ sapynda 113 adam öner körsettı. Jügıruden sporttyq baǧdarlau men asyq atudan erler komandasy köş bastady. Bes tas oiynynda äielder qūramasy ekınşı oryndy ielendı. Gir köteruden astanalyq qūrama üşınşı oryn aldy. Osynyŋ bärın qosqanda eŋ joǧary ūpai jinap, tūǧyrdyŋ eŋ biık satysyna köterıldı.
Jarys qorytyndysynda Şymkent qalasy ekınşı, Şyǧys Qazaqstan oblysynyŋ qūramasy üşınşı orynǧa taban tıredı.
