QR Ükımetı janyndaǧy Qazaqstanda koronavirustyŋ taraluyna jol bermeu jönındegı vedomstvoaralyq komissiiasy 2022 jylǧy 10 qaŋtardaǧy jaǧdai boiynşa Qazaqstan öŋırlerındegı epidemiologiialyq ahualdy baǧalau matrisasyn jariialady.
Jaŋa mälımet boiynşa Nūr-Sūltan qalasy «qyzyl» aimaqqa oraldy. Almaty, Şymkent qalalary, Atyrau oblysy «sary» aimaqta tūr. Elımızdıŋ basqa öŋırlerı «jasyl» aimaqta.
«Bügıngı taŋda elordada KVİ boiynşa qolaisyz epidemiologiialyq jaǧdai baiqalyp otyr. Koronaviruspen auyrǧandardyŋ sany bırneşe ese östı. KVİ stasionarlarynda 425 pasient emdelude. İnfeksiialyq tösekterdıŋ jüktemesı 70 paiyzdan asyp barady.
Sondai-aq elordada jeltoqsan aiynda jürgızılgen zertteulerdıŋ nätijesınde bır synamadan «Omikron» ştamy anyqtalǧany belgılı boldy. «SARS-Cov-2 virusynyŋ «Omikron» ştamynyŋ ainalymyna bailanysty qaladaǧy epidemiologiialyq jaǧdai kürt naşarlap, şielenıse tüsuı mümkın. Sondyqtan barlyq saqtyq şaralardy ūstanu qajet» ekenın aitady elordanyŋ bas sanitarlyq därıgerı Sarhat Beisenova.
