Tau-ken kongresı jaŋa mümkındıkterge jol aşady. Būl turaly «EKSPO-2017» Kongress-ortalyǧynda ötıp jatqan 25-şı düniejüzılık tau-ken kongresınde aityldy. Būl jiynǧa 50 elden 1200-den asa delegat keldı.
1958 jyldan berı ötkızılıp kele jatqan atalmyş halyqaralyq jiyn būl jolǧy kezdesuı kongrestıŋ 60 jyldyǧy men Astana qalasynyŋ 20 jyldyq mereitoiyna arnaldy. TMD aumaǧy boiynşa Qazaqstanda alǧaş ret ötıp tūrǧan jiynda ken oryndaryn igeru jäne paidaly qazbalar salasynda jūmys ısteitın mamandar, käsıpkerler men ǧalymdar bas qosty. «Bügınde tau-ken öndırısı jäne öŋdeu önerkäsıbı Qazaqstan ekonomikasyna ülken üles qosuda. Būl saladaǧy 800 käsıporynda 185 myŋ adam jūmys ısteidı. Öndıruşı jäne öŋdeuşı önerkäsıptı keŋeitu elımızdıŋ damuyna kömektesedı» dedı QR Premer-ministrdıŋ bırınşı orynbasary Asqar Mamin özınıŋ sözınde. Onyŋ aituynşa, Memleket basşysy Nūrsūltan Nazarbaev halyqaralyq investorlardyŋ qatysuyn keŋeitu üşın tau-ken sektoryn reformalau jönındegı mümkındıkter jasauǧa tapsyrma bergen. Öz kezegınde İnvestisiialar jäne damu ministrı Jeŋıs Qasymbek Kongrestıŋ otandyq tau-ken keşenın damytu jäne eldıŋ halyqaralyq qatynastaryn nyǧaitu üşın onyŋ maŋyzdylyǧyn atap öttı.
Nūrdäulet KÄKIŞTEGI
