1 qyrküiekten bastap respublika boiynşa «Uchaske» jedel aldyn alu ıs-şarasy ötkızılıp jatyr. Şaraǧa QR IIM Ūlttyq ūlan äskeri qyzmetkerlerı men elordalyq Işkı ıster departamentı bölımşelerınıŋ jeke qūramy tartyldy. 1 jeltoqsanǧa deiın uchaskelık inspektorlar päterler men tūrǧyn üilerdı aralap, tūrǧyndar jaily mälımet, sondai-aq şaǧymdar men ūsynystar jinaidy. Aksiia bastalǧaly poliseiler 78 myŋnan astam päter men 10 400 jeke menşıktı tūrǧyn üide bolǧan.
Jedel aldyn alu ıs-şarasy barysynda 260 astam tūrǧylyqty jerı joq tūlǧa ūstaldy. Sondai-aq, abattandyru erejelerın būzudyŋ 1400 faktısı tırkeldı, ūsaq būzaqylyq jasau boiynşa 600 astam, alkogoldık ışımdıkter ışu nemese mas küide qoǧamdyq oryndarǧa kelu boiynşa 940 äkımşılık hattama toltyryldy.
Astana qalasynyŋ IID Jergılıktı polisiia qyzmetınıŋ habarlauynşa, ıs-şaranyŋ basty maqsaty uchaskelık inspektorlardyŋ, köşı-qon polisiiasynyŋ, qylmystyq jäne patruldık polisiia qyzmetkerlerınıŋ, sonyŋ ışınde jedel äreket etu bölımşelerınıŋ jäne t.b. qyzmetterdıŋ küşımen ärbır äkımşılık aumaqta qūqyq būzuşylyqtyŋ aldyn alu boiynşa jūmystardy belsendıru bolyp tabylady. Jalpy, şaraǧa 400 juyq polisiia qyzmetkerı men Ūlttyq ūlan äskeri qyzmetkerlerı tartyldy.
Uchaskelık inspektorlar üilerdı aralap, özderınıŋ bailanys telefondaryn qaldyrady. Sonymen qatar, polisiia qyzmetkerlerı saiajailarǧa, qūrylys nysandaryna, bazarlar men basqa da sauda oryndaryna barady.
Eger adamdar päter jaldap tūryp jatsa, būl turaly mälımetter Astana qalasynyŋ memlekettık kırıster departamentıne joldanady. Jyl basynan berı qalalyq Jergılıktı polisiia qyzmetımen jalǧa berılgen 4 myŋnan astam päter anyqtaldy, olar boiynşa aqparat Astana qalasynyŋ MKD jıberıldı.
astana.gov.kz
