Astanada «Bılım berudegı şahmat» jobasy jüzege asyryluda. Onyŋ aiasynda elordalyq liseide şahmat synyby aşyldy, dep habarlaidy astana-akshamy.kz
2024 jyldyŋ 29 säuırınde KazChess/Qazaqstan şahmat federasiiasy Freedom Broker jäne «Freedom Şapaǧat» EQ qoldauymen Astana qalasyndaǧy №8 mektep-liseiınde şahmat synybyn aşty.
Elordalyq liseilerdıŋ bırınde şahmatsynybynyŋ aşyluy – KazChess/Qazaqstan şahmat federasiiasynyŋ Oqu-aǧartu ministrlıgımen, Ǧylym jäne joǧary bılım ministrlıgımen jäne jergılıktı atqaruşy organdarmen bırlesıp jüzege asyryp jatqan «Bılım berudegı şahmat» jobasyn ılgerıletudegı taǧy bır qadam.
Pilottyq jobanyŋ negızgı maqsattarynyŋ bırı – Qazaqstan Respublikasynda şahmatty damytudyŋ 2023–2027 jyldarǧa arnalǧan keşendı josparyna säikes «Bastauyş synyptaǧy balalardy şahmat üiretumen 20% ülespen qamtu».
Şahmat synybynyŋ saltanatty aşyluyna KazChess Bırınşı Vise-prezidentı Säduaqasov Därmen, Astana qalasy Bılım basqarmasynyŋ basşysy Senǧazyev Qasymhan jäne Astana qalasy №8 mektep-liseiınıŋ direktory Aitimova Gülnūr qatysty.
«Memleket aldyndaǧy jauapkerşılıgın sezıne otyryp, KazChess/Qazaqstan şahmat federasiiasy intellektualdy ūltty qalyptastyruǧa belsendı atsalysuda. Şahmat oinau tabandylyqty, strategiialyq oilaudy, tözımdılıktı damytyp, oquşynyŋ nätijelı boluyna yqpal etetını belgılı. Joba aiasynda būdan da köp oqu oryndaryn qamtudy josparlap otyrmyz. Pilottyq joba mektepter üşın standart boluy kerek», – dedı qūttyqtau sözınde KazChess Bırınşı Vise-prezidentı Därmen Säduaqasov.
Qazırgı uaqytta joba aiasynda barlyq deŋgeide ekı bılım beru baǧdarlamasy äzırlenıp, kelısıldı: bırı 1–4 synyp oquşylary üşın, ekınşısı şahmat mūǧalımderınıŋ bılıktılıgın arttyruǧa arnalǧan. Sonymen qatar Qazaqstannyŋ keibır joǧary oqu oryndarynda şahmattan qosymşa bılım beru baǧdarlamasy engızılude. Qazırgı taŋda mūǧalımderge arnalǧan oqulyqtan, jūmys däpterlerınen jäne oqulyqtan tūratyn oqu-ädıstemelık keşenı bekıtılıp jatyr. Sonymen qatar, mūǧalımderge toptyq sabaqtardy tiımdı ötkızuge kömektesu üşın «Chess class» atty onlain platformasy äzırlendı.
Bügıngı taŋda KazChess Freedom Broker jäne KQ «Freedom Şapaǧat» qoldauymen elımızdıŋ 7 aimaǧyndaǧy 7 bazalyq mektepke şahmatty sapaly oqytuǧa arnalǧan tolyq jiyntyqty (jihaz, tehnikalyq qūral-jabdyqtar, şahmat jabdyqtary) qamtamasyz ettı.
Şahmat pänın bügınde elımızdıŋ jetı oblysyndaǧy 42 mektepte bastauyş synyp mūǧalımderı oqytady, oquǧa myŋnan astam bırınşı synyp oquşylary qamtylǧan. 2024-25 jaŋa oqu jylynda jobadaǧy mektepterdıŋ sanyŋ 350-ge deiın qamtu josparlanuda. KazChess şahmat oiyny arqyly jas qazaqstandyqtardyŋ aqyldy, bılımdı jäne tärbielı boluyna üles qosuyn jalǧastyrady.
