Qazaqstan men Koreia Respublikasynyŋ astanalary arasyndaǧy äue qatynasy qalpyna keltırılıp jatyr, – dep habarlaidy astana-akshamy.kz
Būl şeşımge ekı eldıŋ aviasiia bilıgınıŋ 2024 jylǧy aqpan jäne nauryzda Almaty jäne Seul qalalarynda ötken kelıssözderı nätijesınde qoljetkızıldı.
Osylaişa, 2024 jyldyŋ 15 mausymynan bastap Air Astana Astana – Seul baǧyty boiynşa reisterdı qalpyna keltıredı.
«Reister aptasyna ekı ret (särsenbı jäne senbı künderı) AirBus-A321LR tiptı syiymdylyǧy 166 oryndyq ūşaqtar arqyly oryndalady», – delıngen AAK habarlamasynda.
Äue qatynasyn qalpyna keltıru ekı el arasyndaǧy sauda-ekonomikalyq, ıskerlık jäne turistık yntymaqtastyqty odan ärı damytuǧa yqpal etetını tüsındırıldı.
