Memlekettık qyzmet ısterı jäne sybailas jemqorlyqqa qarsy ıs-qimyl Agenttıgınıŋ Astana qalasy boiynşa departamentı elordalyq memlekettık qyzmetşıler men käsıbi pıkırsaiysşy studentter arasynda «Qazaqstan bügın jäne bolaşaqta» taqyrybynda öŋırlık turnir ötkızdı.
Pıkırtalasqa 44 komanda qatysty. Nätijesınde Astana qalasy äkımdıgınıŋ qyzmetkerı Erjan Eŋsebai men Euraziia ūlttyq universitetınıŋ studentı Jazira Ömırzaq basym bolyp, respublikalyq dodaǧa joldama alǧan bolatyn.
Agenttık jaqynda «Parasattylyq jäne zaŋ üstemdıgı – ūlttyŋ tabysty boluynyŋ kepılı» atty äkımşılık-memlekettık qyzmetşıler jäne studentter arasynda respublikalyq pıkırsaiys turnirın ötkızdı. Onyŋ finalyna Qazaqstan Respublikasy Prezidentınıŋ janyndaǧy Memlekettık basqaru akademiiasynyŋ rektory Fatima Jaqypova, Memlekettık qyzmet ısterı jäne sybailas jemqorlyqqa qarsy ıs-qimyl Agenttıgınıŋ apparat basşysy Saian Ahmetjanov jäne belgılı qoǧam qairatkerlerı törelık ettı.
Ekı künge sozylǧan pıkırsaiysta «DARABOZ» atymen öner körsetken elordalyqtar jeŋımpaz atandy. «Astana Daryny-2017» jastar syilyǧynyŋ «Üzdık memlekettık qyzmetşı» atalymy boiynşa jeŋımpazy Erjan Eŋsebai men «Orator» debat klubynyŋ müşesı Jazira Ömırzaq jeŋısterın Astananyŋ 20 jyldyq mereitoiyna arnady.
