El aumaǧynda «Aryspen bırge» atty jalpyrespublikalyq şara älı jalǧasuda. Zardap şekkenderge kömek beru qoryna 213 mln teŋge qarajat jinaldy. Bas qalada ornalasqan Tūŋǧyş Prezident, Memleket basşysy, Ükımet pen Parlamentten bastap memlekettık mekemeler, qoǧamdyq ūiymdar, saiasi partiialar, käsıpkerler men qarapaiym adamdar zardap şekken tūrǧyndarǧa qolynan kelgenınşe kömegın älı berıp jatyr.
Nūr-Sūltan äkımdıgınıŋ, qalalyq mekemelerdıŋ, käsıporyndardyŋ qyzmetkerlerı «Aryspen bırge» aksiiasyna ün qosyp, bır kündık jalaqylaryn audardy. Elorda äkımdıgı Arys qalasyndaǧy 500 balany jazǧy lagerge bır aiǧa barlyq qajettı zattarymen (kiım, aiaq kiım, mektepke qajettı qūraldar) jıberuge şeşım qabyldady. Būdan bölek, taǧy 1 myŋ balany L.Gumilev atyndaǧy Euraziia ūlttyq universitetı jazǧy lagermen qamtamasyz etedı.
Sonymen qatar Nūr-Sūltan qalasynyŋ käsıpkerlerı men mesenattary şara aiasynda zardap şekkenderge azyq-tülık, tazalyq zattary, kiım-keşek, aiaq kiım, tösek-oryn jäne özge de gumanitarlyq kömek jıberdı. Bas qalanyŋ 5 jerınde arystyqtarǧa qajettı zattardy qabyldau nüktelerı aşyldy. Arystaǧy üilerdı jäne özge infraqūrylym nysandaryn qalpyna keltıru üşın elordadan qūrylys brigadalary men qūrylys materialdary tielgen jük kölıkterı attanady. «Qazaqstan medisina jastary» qoǧamdyq ūiymy zardap şekkenderge kömek körsetu üşın medkolledj studentterı men därıgerlık mekemeler qyzmetkerlerı arasynan erıktılerdı jinauda. Şamamen 40-qa juyq erıktıler Arysqa jolǧa şyǧady. Izgılıktı ısten äleumettık jelıler de şet qalǧan joq. «Nūr-Sūltan qalasy Aryspen bırge!» atty chellendjdı ıske qosty. Zattardy qabyldau nüktelerı myna mekenjailarda ornalasqan: 1. Jastar saraiy, Respublika d-ly, 34, 3-qabat, №306 bölme, tel.: 8-775-513-64-41; 2. «Nūr Otan» partiiasynyŋ elordalyq filialy, Täuelsızdık d-ly, 3, №405 bölme, tel.: 8-775-950-02-98; 3. S.Seifullin atyndaǧy Qazaq agrotehnikalyq universitetı, Jeŋıs d-ly, 62, tel.: 48-19-10.
Arystyqtarǧa kömek qolyn sozuǧa är adamnyŋ mümkındıgı bar. Ol üşın Türkıstan oblystyq äkımdıgı janynan aşylǧan «Türkıstan» korporativtık äleumettık damu qoryna habarlasuǧa bolady. Türkıstan qalasy, Qyzylorda tasjoly, 34 A ǧimaraty, poşta indeksı: 161200, BSN BİN: 100440016000, «ForteBank» AQ-tyŋ Türkıstan qalasyndaǧy filialy.
