Elordalyq därıgerler Almatyda ötken Jedel järdem brigadalarynyŋ respublikalyq jarysynda jeŋıske jettı.
Ekı kezeŋge bölıngen saiys sanitarlyq aviasiia qyzmetterı, jedel järdem jäne simmuliasiialyq ortalyq mamandaryna arnalǧan konferensiia aiasynda ūiymdastyryldy. Turnirge Qazaqstannyŋ barlyq öŋırınen kelgen jedel järdem brigadalary qatysty.
Aldymen, därıgerler ötkır koronarly sindrommen auyratyn nauqastar men jol kölık oqiǧalarynan jaraqattanǧan adamdardy qūtqardy, balalar men eresekterdıŋ jüregıne, ökpesıne reanimasiia jasady. Sondai-aq, anafilaktikalyq şok sezıngen balaǧa qalai kömetesetının körsettı.
Saiystyŋ ekınşı jartysynda jedel järdem brigadalary äieldı üide bosandyru men jaŋa tuǧan şaqalaqqa reanimasiia jasaudan jäne bosanǧannan keiıngı qan ketudı toqtatudan jarysty.
Almaty medisinalyq kolledjınıŋ studentterı medisinalyq jarystyŋ erıktı pasientterı boldy. Sondai-aq, mūnda manekender men qazırgı zamanǧy simmuliasiialyq jabdyqtar qoldanyldy.
Atalmyş turnir 10 jyldan berı Litva elınde ūiymdastyrylyp keledı. Alaida, Qazaqstanda alǧaş ret ötkızıldı. Qazylar alqasynyŋ qūramyna Litva jedel järdem qauymdastyǧynyŋ bılıktı sarapşylary endı.
«Elordalyq därıgerler bas qala därejesıne laiyq ekenın körsettı. Endı respublikada üzdık ekenımızdı senımmen aita alamyz» dedı Astana qalasynyŋ Jedel medisinalyq järdem stansiiasy emdeu bölımı boiynşa bas därıgerdıŋ orynbasary Rauşan Moldabekova.
Bügıngı taŋda Astana qalasynyŋ jedel järdem stansiiasynda 85 brigada jūmys ısteidı. Kün saiyn olarǧa nauqastardan ekı myŋnan asa şaqyrtu kelıp tüsedı.
Säuır aiynan bastap därıgerler jedeldılıktıŋ 1-şı sanatyndaǧy pasientke 10 minuttyŋ ışınde jetıp jür.
