EŊBEK ARDAGERLERI ARDAQTALDY
Astanada taŋdaǧan salasynda qajyrly eŋbek etıp, sol sala üşın maŋdai terın aiamaǧan, elımızdıŋ tıregıne ainalǧan ardaqty eŋbek ardagerlerı marapattaldy.
Eŋbek künıne arnalǧan respublikalyq forumda QR Memlekettık hatşysy Gülşara Äbdıqalyqova KSRO halyq ärtısı, KSRO jäne Qazaqstannyŋ Memlekettık syilyǧynyŋ laureaty Bibıgül Tölegenovaǧa «Eŋbek ardagerı» medalın tabystady.
Saltanatty jiynnyŋ şymyldyǧyn aşqan Gülşara Äbdıqalyqova är adamnyŋ eŋbegı är uaqytta baǧaly ekendıgın jetkızdı.
– Bız 2014 jyldan bastap Eŋbek künın atap ötemız. Būl mereke – otanymyzdyŋ ösıp-örkendeuın qamtamasyz etetın halyqtyŋ eŋbegıne degen qūrmettıŋ belgısı. Sondai-aq, būl kün äleumettık jäne ekonomikalyq jetıstıkterımızdı därıpteuge arnalǧan. Elımızdıŋ ärbır azamaty adal, riiasyz, önımdı eŋbektıŋ maŋyzdylyǧyn sanasyna sıŋıruı kerek. Sonda ǧana Qazaqstan älemdegı ozyq elderdıŋ qataryna qosylady. Keleşekte ūlttyŋ tabystylyǧy adami kapitaldyŋ sapasymen ölşenedı, – dei kele bırqatar eŋbek ardagerlerıne
qūrmet körsetıp, marapattady. Osylaişa, üzdık eŋbek äuletı bolyp Jūbanyşovtar äuletı tanyldy. Olar 420 jyl boiy
«Qazaqstan temır jolynda» jük tasymaly salasynda jūmys ıstep kele jatyr.
Sonymen qatar Tılek Harin, Nūrsūltan Abbasov jäne Nūrjamal Töleuova nominasiialar boiynşa marapattaldy.
Kelesı bolyp söz söilegen Eŋbek jäne halyqty äleumettık qorǧau ministrı Tamara Düisenova eŋbekqor azamattardyŋ jemıstı jūmysyna toqtaldy.
– Bügın – elımızdıŋ ekonomikasynyŋ türlı salalarynda qyzmet etıp kele jatqan 8,5 mln astam azamattyŋ aituly merekesı. Elbasy özınıŋ «Jalpyǧa ortaq: Eŋbek qoǧamyna qarai jiyrma qadam» atty maqalasynda älemdık örkeniettıŋ barlyq qūndylyǧy, barlyq ekonomikalyq jäne mädeni bailyǧy virtualdy qarjy instituttarynyŋ emes, adamnyŋ eŋbegımen jasalady degen bolatyn. Rasynda da, egemendıgımızdı alǧannan keiıngı şirek ǧasyrǧa köz jügırtetın bolsaq, elımızde 7,5 myŋ şaqyrym jol salynyp, 113 mln şarşy metrden astam tūrǧyn üi qoldanysqa berılse, 3000-ǧa juyq mektep pen densaulyq saqtau nysandary salynypty. Al öndırılgen jalpy ışkı önımnıŋ kölemı 1993 jylǧy 29,4 mlrd teŋgeden byltyr 47 trln teŋgege deiın jettı. Osy nätijelerdıŋ arqasynda bügınde Qazaq elın älemdık qoǧamdastyq naryqtyq ekonomikadaǧy memleket retınde tanyp otyr. Būl mereke – eŋbekşı azamattardyŋ ǧana emes, bügınde beinetınıŋ zeinetın körıp otyrǧan 2,5 millionnan astam eŋbek ardagerınıŋ de töl merekesı, – dedı ministr.
Güldana Talǧatqyzy