Ortalyq kommunikasiialar qyzmetınde QR Tūtynuşylar qūqyqtaryn qorǧau jönındegı agenttıgı töraǧasynyŋ mındetın atqaruşy – Bas sanitarlyq därıger Jandarbek Bekşinnıŋ qatysuymen brifing öttı.
Brifingte elımızdegı tūraqty sanitariialyq-epidemiialyq jaǧdaidy qamtamasyz etu boiynşa agenttıktıŋ qabyldaǧan aldyn alu şaralardyŋ barysy qozǧaldy. Bas sanitarlyq därıgerdıŋ aituynşa, osyǧan deiın elımızdegı sanitariialyq-epidemiologiialyq qyzmettıŋ baqylauynda bolǧan 123 myŋnan astam nysannyŋ 60 paiyzy epidemiologiialyq täuekelı joǧary emes nysandar bolyp tabylady eken. Endı, Elbasynyŋ tapsyrmasyna säikes, mūndai nysandarǧa tekseru jürgızu toqtatylyp, eskertu sipatyna köşırılgenın mälım ettı. Aldaǧy uaqytta vedomstvo tarapynan bolatyn josparly tekseruler tek qauıptılıgı men täuekelı joǧary jäne ortaşa nysandarda ǧana saqtalatyn bolady. Onyŋ nätijesınde sanitariialyq-epidemiologiialyq qadaǧalau salasyndaǧy tekserıster üş esege deiın tömendeidı.
Jandarbek Bekşin sondai-aq enterovirustyq infeksiiamen syrqattanuşylardyŋ jaiyna toqtaldy. Biylǧy mausym-şılde ailarynda Astana qalasynda zerthanalyq tekserıs nätijesınde rastalǧan meningittıŋ 80 jaǧdaiy tırkelgen.
«Agenttıktıŋ aumaqtyq departamentterı enterovirustyq infeksiianyŋ taraluynyŋ aldyn aluǧa baǧyttalǧan profilaktikalyq jäne epidemiiaǧa qarsy jūmys jürgızude» deidı J.Bekşin. Onyŋ aituynşa, qorşaǧan orta obektılerın – aşyq su qoimalarynyŋ, jüzu basseinderınıŋ, subūrqaqtardyŋ suyn, aǧyndy sudy monitoringıleu küşeitıldı.
Sondai-aq, bas memlekettık sanitarlyq därıger ata-analarǧa balalaryn jeke gigiena erejelerın saqtauǧa, şomyludan bas tartuǧa, sapasy kümändı sudy ışpeuge, adamdar jappai jinalatyn jerlerge barmauǧa, suyq tiiuden saqtanuǧa daǧdylanuǧa keŋes berdı.
Aigül UAISOVA
