Ūlttyq mereke qarsaŋynda Astana qalasy äkımdıgınıŋ qoldauymen Beibıtşılık jäne kelısım saraiynda Máńgilik el daýysy bıregei ūlttyq muzykalyq şouy öttı. Körermenderdıŋ qazaqstandyq estrada jūldyzdarymen qosylyp, bırge än sala aluy şoudyŋ basty erekşelıgı boldy.
Jobany qoiuşy rejisserdıŋ kömekşısı Aida Aqtanovanyŋ aituynşa, körermenderge ūmytylmas äser syilaityn joba alǧaş ret osyndai auqymda öttı. Konserttık baǧdarlamany aldaǧy uaqytta halyq arasynda keŋınen ūiymdastyryp, barlyq öŋırde qoiu josparda bar.
– Körermender öner jūldyzdarymen qosylyp, än saluy üşın tanymal tuyndylardyŋ mätınderı arnaiy LED-ekrandarda körsetıledı. Būl – 100 paiyz tırı şou, qoiylym. Mūndai jobalardy köbı qolǧa ala bermeidı. Bıraq bız osyndai keŋ auqymda konsert ūiymdastyruǧa bel budyq. Äuender jandy dauysta oryndalady. Aldyn ala jazylǧan muzyka joq, – dep atap öttı ol.
Merekelık dumanda qazaqstandyq estrada jūldyzdary özınıŋ üzdık änderın jandy dauysta oryndady. Sahnada Ämre, 2RAR, Nūrjan Kermenbaev, Yenlik, Ayree, Qairat Nūrtas siiaqty tanymal änşıler öner körsettı.
Osy künı «Qazaqkonsert» ortalyq konsert zalynda Qazaqstannyŋ halyq ärtısı Roza Rymbaevanyŋ Respublika künıne arnalǧan «Senemın men» atty konsertı öttı. Konsertte belgılı änşıler Aigül Elşıbaeva, Jūbanyş Jeksenūly, Dilnaz Ahmadievalar da öner körsettı. «13 jylda elımız alǧaş ret Respublika künın toilap jatyr. Qazaqstandyqtardy ūlttyq merekemen qūttyqtaimyn! Bügın tyŋdarmandarymdy jaŋa änderımmen quantamyn» dedı änşı. Roza Rymbaeva «Bır bala», «Atameken», «Qanekei, tılım, söileşı», «Äliia», «Jaŋbyrly tün», «Sol bır kezder» sekıldı tanymal änderımen qatar «Tyŋdarmanyma», «Ǧajaiyp şeksızdık», «Senemın men» degen jaŋa tuyndylaryn da oryndady.
