«EKSPO-2017» HALYQARALYQ MAMANDANDYRYLǦAN KÖRMEDE JŪMYS ISTEITIN ERIKTILERDI QABYLDAU RÄSIMI ÖTTI. OǦAN «ASTANA EKSPO-2017» ŪLTTYQ KOMPANİIаSYNYŊ BASQARMA TÖRAǦASY AHMETJAN ESIMOV, QR BILIM JÄNE ǦYLYM MİNİSTRI ERLAN SAǦADİEV JÄNE QALA ÄKIMI ÄSET İSEKEŞEV QATYSTY.
Ūlttyq kompaniia basşysy Ahmetjan Esımovtıŋ aituynşa, körmege 4500-dei erıktı atsalysuǧa daiyn. Osydan bır-ekı kün būryn elordaǧa Almatydan – 300, Qaraǧandy oblysynan – 250, Pavlodar jäne Qostanai oblystarynan 100-ge tarta erıktı taban tıredı. Taǧy bır aita keterlıgı, 150 şeteldık erıktı arnaiy 46 memleketten kelıp, körmege qatysuda. Būǧan qosa, Astana qalasy atynan 1500 erıktı bar.
Bız körme kezınde qazaqy qonaqjailyǧymyzdy tanytyp, jüktelgen ıstı adal atqarsaq, elımızdıŋ märtebesı asqaqtai tüsedı. Erıktı atanu – sızder üşın zor märte, jauapkerşılıktıŋ jügı de auyr. Erıktıler «EKSPO» körmesın abyroimen alyp şyǧady degen ümıttemın, – dep jastarǧa senım bıldırdı Ahmetjan Smaǧūlūly.
Al Bılım jäne ǧylym ministrı Erlan Saǧadiev tılegın qazaqşa bastap, aǧylşynşa aiaqtady.
Kezektı söz körmenı qabyldap ötkızgelı otyrǧan qalanyŋ äkımı Äset İsekeşevke berıldı.
– Qazaqstanda EQYŪ sammitı, älemdık jäne dästürlı dınder köşbasşylarynyŋ sezı siiaqty maŋyzdy şaralar ötkızıldı. Bıraq olar nebärı üş-tört künge ǧana jalǧasty. Odan keiın ekı aptaǧa jalǧasqan Universiadany ötkızdık. Al «EKSPO-2017» körmesınıŋ jalauy 93 kün boiy jelbıreidı. Kem degende 2 million şeteldık turist keledı. Sondyqtan da aituly şaraǧa barynşa daiyndyq jürdı. Elbasymyzdyŋ tapsyrmasy boiynşa, jaŋa äuejai, jaŋa temırjol vokzalyn salyp, köptegen qonaqüilerdıŋ esıgın aştyq. Atap aitsaq, 200 qonaqüi men hostel, 900 meiramhana men kafe meimandardy qarsy aluǧa daiyn.
Aldyŋǧy jyly Astanaǧa 800 myŋǧa juyq adam kelse, üş aidyŋ ışınde milliondaǧan turistı kütıp otyrmyz. Būl – ülken jauapkerşılık. Sol sebeptı sızderge küş-qairat pen densaulyq tılei otyryp, jūmystaryŋyzǧa tabys tıleimın. Sättılık serık bolsyn! – dep Äset Örentaiūly jastarǧa igı tılekterın bıldırdı.
Keş barysynda jastar saltanatty türde ant qabyldap, körmenıŋ erıktısı atandy.
Güldana TALǦATQYZY
