Erıktını baǧalaityn qoǧam qūru qajet
Batysta jūmysqa tūrarda da, universitetke tüserde de baǧadan görı volonterlık qyzmet köbırek baǧalanady. Bızde de osyndai qūndylyqty därıpteitın orta qūru qajet. Būl turaly Nūr-Sūltan qalasynyŋ äkımı Altai Kölgınov jergılıktı ükımettık emes ūiym ökılderımen kezdesuınde mälımdedı.
«Ūlttyq volonterlık jelı» ūiymynyŋ atqaruşy direktory Tatiana Mironiuktıŋ aituynşa, qazırgı uaqytta atalǧan ūiymǧa 8 myŋdai student tırkelgen eken.
Jiynǧa kelgen ÜEŪ qatarynda otbasylyq zorlyq-zombylyqqa tap bolǧandardy qūtqaratyn ūiymdar da boldy. Mäselen, Anna Ryl men onyŋ «Qorǧau Astana» qory on bes jyldan astam uaqyt boiy osyndai qiyndyqqa ūşyraǧan äielder men balalarǧa, qūjaty joq azamattarǧa, adam saudasynyŋ qūrbandaryna, sondai-aq migranttarǧa järdemdesıp keledı.
– Jyl saiyn bızdıŋ kömegımızge jügınetınder sany ösude. Biyldyŋ özınde 700-ge juyq astanalyq tūrǧynǧa keŋes berıp, tiıstı tūrǧyda qol ūşyn berdık. Olardyŋ arasynda köbısı – otbasy müşelerınen jäbır körgen äielder. Mūnymen qosa, bızdıŋ mekeme tırkeuge tūrǧyzyp, qūjattardy qalpyna keltıruge de kömektesedı, – dedı ol.
Annanyŋ aituynşa, qazırgı taŋda ūiym ornalasqan ǧimarat tar bolǧandyqtan, köp adamdy qabyldauǧa mümkındık joq. Öz kezegınde qala basşysy būl mäselenı şeşuge atsalysatynyn jetkızdı.
Būdan bölek, qala basşysy äleumettık käsıpkerlıktıŋ jarqyn ülgısın tanytyp jürgen elordalyq azamat, «Green Tal» şeberhanasynyŋ negızın saluşy Emin Askerov, «Täuelsız ömır» DOS» qoǧamdyq bırlestıgınıŋ üilestıruşısı Ardaq Otarbaev, «Jas käsıpkerler keŋesı» qoǧamdyq ūiymynyŋ töraiymy Ainūr Ämırhan sekıldı bırqatar ÜEQ ökılderınıŋ baiandamalaryn tyŋdap, olardyŋ jūmystaryna oŋ baǧa berdı.
– Biyl qaladaǧy belsendı ÜEŪ sany ötken jylmen salystyrǧanda 2 esege, iaǧni 273-ten 471-ge deiın artty. Qoǧam üşın paidaly jobalardy ılgerıletetın ÜEŪ bar ekenı quantady, – dedı elorda basşysy.