Mädeniet
Erjan elordada än şyrqaidy
Juyrda Reseidegı «Golos. Deti» jobasynda özınıŋ körkem dauysymen tamaşa öner körsetken jas änşı Erjan Maksim bas qalada jeke konsert beredı.
Būl aqparatty Mädeniet jäne sport ministrı Arystanbek Mūhamediūlynyŋ özı jetkızdı. Onyŋ aituynşa, talantty örennıŋ jeke konsertı aldaǧy 28 mausymda «Qazaqstan» ortalyq konsert zalynda ötedı. Būl keştı ötkızuge Mädeniet jäne sport ministrlıgı qoldau körsetıp otyr.
Bügınde atalǧan än keşıne daiyndyq jūmystary bastaldy. Erjan sahnada estradalyq-simfoniialyq orkestrdıŋ süiemeldeuımen jandy dauysta än şyrqaidy. Sondai-aq onymen bırge tanymal öner jūldyzdary – Säken Maiǧaziev, Möldır Äuelbekova, Renat Gaisin, Aiqyn Tölepbergen öner körsetedı.