Qalalyq mäslihatta köşelerdı ortaşa jäne aǧymdaǧy jöndeudı Kölık jäne jol-kölık infraqūrylymyn damytu basqarmasynan alyp, audandardyŋ äkımdıkterıne beru ūsynyldy. Mäslihat deputattarynyŋ pıkırınşe, basqarma būl tarapta özıne bekıtılgen jūmysty tiıstı deŋgeide atqarmai otyr, al audan äkımdıkterınen artyq qai joldy aldymen jöndeu kerektıgın eşkım bılmeidı.
Atalmyş basqarmanyŋ basşysy Ashat Qaraǧoişin qalaǧa kıreberıs joldaryna, ışkıoramdyq köşelerge qatysty biudjettık baǧdarlamany audan äkımdıkterıne beruge daiyn ekendıkterın aitady.
«Ol üşın audan äkımdıkterınıŋ apparattary arnaiy biudjettık baǧdarlamany aşuy kerek. Biudjettı kelesı naqtylau otyrysynda osy mäselenı kün tärtıbıne engızu qajet. Sol kezde baǧdarlama äkımşılerı joldardy jöndeitın merdıgerlerdı anyqtauǧa konkurs jariialaidy. Būl jaǧdaida derbes qarjylandyrudyŋ arqasynda jūmys tezırek jüredı» dedı basqarma basşysy.
Mäslihat hatşysy Janat Nūrpeiısov Strategiialyq jäne biudjettık josparlau basqarmasyna būl mäselenıŋ biudjettık zaŋnamaǧa sai keluın tekseruge tapsyrma berdı.
Almaty audany äkımdıgınıŋ habarlauynşa, Kölık jäne jol-kölık infraqūrylymyn damytu basqarmasy 2011 jyly «İnternasionalnyi», «Küigenjar», «Michurino» tūrǧyn alaptarynda joldyŋ 20 şaqyrymyn (30 köşe), injenerlık jelılerdıŋ 67 şaqyrymyn salu jobasyn bastady. Alaida tiıstı jūmystar älı künge deiın aiaqtalmaǧan.
«Jeleznodorojnyi» tūrǧyn alabynda jetı köşege, «Promyşlennyida» tört köşege jol salu kerek. Alǧaşqy atalǧan eldı meken boiynşa qazır jobalyq-smetalyq qūjat äzırlenıp jatyr. Al ekınşı eldı mekende tiıstı jūmystar biyl bastaluy kerek.
Saryarqa audanyna qarasty «Köktal-2» tūrǧyn alabynda jalpy ūzyndyǧy 19 şaqyrymdy qūraityn 41 köşe salyndy. Būǧan qosa, nöser kärızı, su qūbyry, ortalyq kärız salyndy. Biyl tiıstı jūmystar jalǧasyp, tolyǧymen aiaqtaluy tiıs. Joba ekı kezeŋge – jol jäne injenerlık jelıler qūrylysy bolyp bölındı. Onyŋ jalpy qūny – 8,7 mlrd teŋge. «Köktal-1» tūrǧyn alabynda ötken jyly jalpy ūzyndyǧy 4,7 şaqyrymdy qūraityn 12 köşe salyndy. Biyl mūndaǧy 14 köşede jäne «Agrogorodok» tūrǧyn alabyndaǧy 28 köşede joldar salynady.
Baiqoŋyr audanyna qarasty eldı mekenderde biyl ūzyndyǧy 9 şaqyrymdy qūraityn 21 köşedegı joldar jöndeledı. 1052 metrlık 5 köşege qiyrşyq tas töseledı. Jalpy, aldaǧy jyldary Aqjol jäne Ş.Beisekova köşelerı aralyǧynda ainalma jol salu josparlandy. Qūrylys jūmystary kelesı jyly bastalyp, 2023 jyly aiaqtalmaq.
Jalpy alǧanda, jetı tūrǧyn alaptaǧy jalpy ūzyndyǧy 31,1 şaqyrymdy qūraityn 87 köşede joldar salynady.
