Biyl «Egemen Qazaqstan» gazetıne tūp-tura 100 jyl tolady. «Ūşqyn» degen ataumen alǧaş şyqqan basylymnyŋ ǧasyrlyq toiy qarsaŋynda bıraz ıs-şara josparlanyp otyr.
Onyŋ alǧaşqysy bolyp bas qalamyzdaǧy Esıl audanyndaǧy alleiada 100 tüp aǧaş egıldı. «Jüz jyldyqqa – jüz aǧaş» atty jiynǧa Mäjılıs deputattary, ardager jurnalister, BAQ basşylary, Aqparat jäne qoǧamdyq damu ministrı Däuren Abaev qatysty.
– «Egemen Qazaqstan» gazetınıŋ mereitoiy aiasynda ötıp jatqan är ıs-şaranyŋ maŋyzy öte zor. Mıne, Nūr-Sūltan qalasynyŋ törınde jüz köşet otyrǧyzu üşın bas qostyq. «Babalar ekken şynardy balalar saialaidy» deidı ǧoi, sondyqtan da bügın otyrǧyzylatyn aǧaştarymyz ülken saiabaqqa ainalsyn! Ösıp kele jatqan ūrpaq būl saiabaqty bızder «Egemen Qazaqstan» gazetınıŋ qūrmetıne ekkenımızdı bılıp jürsın», dedı Däuren Abaev aǧaş egu şarasynda.
Taŋerteŋnen bastalǧan igılıgı mol şara auyzaşar uaqytynda Ūlttyq muzei ǧimaratynda jalǧasyn tapty. Halyqaralyq muzei künı merekesıne orai ūiymdastyrylǧan körmege jinalǧan jūrt qarasy mol boldy. «Jüz jyldyq jylnama» atty körmede jūrtşylyq nazaryna gazettıŋ ötken tarihynan syr şertetın türlı jädıgerler ūsynyldy. Olardyŋ arasynda «Ūşqyn» degen ataumen jariialanǧan gazettıŋ alǧaşqy nūsqalary, aq-qara tüste ǧana tüsıretın fotoapparattar, 1904 jylǧy «Continental Wanderer» atty jazba maşinasy sekıldı türlı tarihi jädıgerler bar. Körme 18 mausymǧa deiın jalǧasady.
