Nūr-Sūltan qalasynda studentterden qūralǧan qūrylys jäne «Jasyl el» eŋbek jasaqtarynyŋ XV eŋbek mausymy aşyldy.
Nūr-Sūltan qalasy Qoǧamdyq damu ısterı basqarmasy biyl jastardy jūmyspen qamtu üşın 10-nan asa ūiymmen kelısım jasasqan. Olardyŋ qatarynda «Astana ormany», «Astana kögaldandyru qūrylys» JŞS jäne bırqatar qūrylys kompaniialary men bılım beru oryndary bar.
«Jasyl el» baǧdarlamasy respublikamyzda 2005 jyldan bastap jastardy jūmyspen qamtu ısımen ainalysyp keledı. Osy rette astanalyq «Jasyl el» ştaby 14 jastan 29 jas aralyǧyndaǧy azamattardy jūmysqa şaqyryp, olardyŋ ekonomikalyq tabys tabuyna mümkındık jasap qana qoimai, eŋbekke baulyp, qorşaǧan ortany jasyldandyru jūmysyna tartyp keledı. Mäselen, ötken jyly 1120 adam jūmyspen qamtylǧan.
– Biyl baǧdarlama boiynşa elordaǧa 975 kvota bölıngen. Olardyŋ qatarynda köpbalaly jäne tūrmys deŋgeiı tömen otbasylardyŋ balalary, sondai-aq iuvenaldy polisiianyŋ esebınde tūrǧan 14 jasqa tolǧan jasöspırımderdı jūmyspen qamtu qarastyrylǧan, – deidı Nūr-Sūltan qalasy Qoǧamdyq damu ısterı basqarmasynyŋ jastarmen jūmys bölımınıŋ jetekşısı Baqytjan Jünısbekov.
