Qarttar künıne orai Nūr-Sūltan qalasynyŋ Esıl audanynda merekelık şara öttı.
Ardagerler men zeinetkerler qauymyna arnalǧan merekelık jiyndy Esıl audanynyŋ äkımı Berık Jäkenov aşyp, elordanyŋ damuyna özındık üles qosqan, bügınde qūrmettı demalysta bolsa da, bas qalamyzdyŋ qoǧamdyq ömırıne belsendı qatysyp jürgen aǧa ūrpaqqa alǧysyn jetkızıp, zor densaulyq, baiandy ǧūmyr tıledı. Berekelı dastarhan basynda bas qosqan qadırlı qonaqtar üşın äsem änder şyrqalyp, aqynnyŋ arnauy aityldy. Mektep oquşylary döŋgelenıp bi biledı. Qadırmendı qonaqtar, äsırese, Esıl audandyq Ardagerler keŋesınıŋ janynan qūrylǧan «Esıl tolqyndary» ardagerler ansamblınıŋ önerıne täntı bolyp, zor qoşemet körsettı.
Nūr-Sūltan qalasy Ardagerler keŋesınıŋ töraǧasy Sansyzbai Esılov ärı taǧylymdy, ärı köŋıldı ıs-şarany ūiymdastyrǧan Esıl audanynyŋ äkımdıgıne, soǧys jäne eŋbek ardagerlerınıŋ jūmysyn üilestırıp jürgen audandyq ardagerler ūiymynyŋ jetekşısı Rysty Atyǧaevaǧa köpşılıktıŋ atynan rizaşylyǧyn bıldırdı. Köŋıl kötergen jiyn barysynda basqa da azamattar söz söilep, özderınıŋ mereiın ösırgen ūiymdastyruşylarǧa alǧysyn aityp, batasyn berdı.
Eŋ bastysy, audandaǧy ardagerler qauymy özderınıŋ esıl eŋbekterınıŋ baǧalanyp, qūrmetke bölenıp, qoǧamǧa qajettılıgın sezınıp qaitty.
