Bırlık künı Esıl boiynda elordalyq balalar men jasöspırımderge arnalǧan merekelık jügıru ūiymdastyryldy.
Mädeniet jäne sport basqarmasyna qarasty sporttyq-būqaralyq ıs-şaralardy ötkızu jönındegı direksiianyŋ mälımetınşe, jügıru jarysyna 300-dei jetkınşek qatysty. Olar Kenesary han eskertkışınıŋ janynda saiysty bastap, jaǧalau boiymen 600 metrge jügırıp, kerı būryldy. Märege bırınşı bolyp jetkender diplomdarmen marapattaldy. Jas jelaiaqtardyŋ bırı Merei Mūhmet astanadaǧy №32 mekteptıŋ 9-synybynda oqidy eken.
– Salauatty ömır saltynyŋ qūrdastarym arasynda sänge ainalǧanyna qatty quanamyn. Būl – menıŋ ekınşı jügıruım. Būǧan deiın byltyr BI-Marafonǧa qatysqanmyn. Biyl taǧy qatysu josparymda bar, – deidı ol.
