Keşe İspaniia Koroldıgı özınıŋ ūlttyq künın EKSPO qalaşyǧynda atap öttı. Saltanatty räsımdı ispandyq flamenko biımen Compania Flamenca toby aşty. Al resmi bölımde ädettegıdei ekı eldıŋ tuy kökke köterılıp, änūrany şyrqaldy.
İspaniia delegasiiasynyŋ atynan söz söilegen Deputattar kongresınıŋ töraiymy Ana Pastor Qazaqstan İspaniianyŋ Ortalyq Aziiadaǧy senımdı serıktesı ekendıgın basa aitty.
– Byltyr ekı el arasyndaǧy tauar ainalym 965 million euroǧa jettı. İspaniia Koroldıgınıŋ «EKSPO-2017» körmesıne qatysuy Qazaqstanmen saiasi, ekonomikalyq jäne mädeni qarym-qatynastardy nyǧaitu, energetikalyq mäselelerdıŋ şeşımın tabuǧa baǧyttalǧan qadamy dep bılıŋızder. Memleketter arasyndaǧy 25 jyldyq dostyq barysynda bız köptegen jetıstıkterge qol jetkızdık. Būl bailanys odan ärı arta tüsıp, jaŋa bastamalarǧa arqau bolady dep senemın, – dedı Ana Pastor.
İspaniia älemde kölık infraqūrylymy boiynşa üzdık ondyqqa kıredı. Al qūrylys, avtokölık joldary, temır joldar, aeroporttardy basqaru salasynda on eldıŋ ışınde törtınşı orynda. Bügınde kölık jüiesınıŋ konsessiiasy 33 paiyzǧa ispan käsıporyndarǧa tiesılı. Mäselen, ispan kompaniialary qasiettı Mekke men Medina qalalaryn jalǧaityn joǧary jyldamdyqty temır jolyn jäne Ankaradan Ystambūlǧa deiıngı qatynas joldaryn salu syndy ozyq jobalardy jüzege asyrǧan. Al elımızdıŋ kompaniialarymen bırlese salǧan joǧary jyldamdyqty ispan poiyzdary Astana men Almaty arasyn jaqyndata tüstı.
Körme aumaǧynda künı boiy Karros de Fok köşe teatry öner körsetıp, «Don Kihot» şyǧarmasyn jappai oqu ūiymdastyryldy.Koroldık merekelık şaralar legın tört kün boiy jalǧastyryp, ūlttyq künın osylaişa ūlyqtamaqşy. 18-21 şılde aralyǧynda ispan pavilony alaŋynda saǧat 19:00-de flamenko biın tamaşalai alasyzdar. Al tamyz aiynda qala kinoteatrlarynda ispan kinosy körsetıledı.
Güldana TALǦATQYZY
