Ekonomikalyq diplomatiiany ılgerıletu aiasynda Qazaqstannyŋ Fransiiadaǧy elşılıgı fransuz investorlaryna elımızdıŋ aimaqtaryn tanystyru toptamasyn ötkızu bastamasyn köterdı.
Beinekonferensiia formatyndaǧy alǧaşqy osyndai kezdesu Nūr-Sūltan qalasynyŋ äkımdıgı men MEDEF qauymdastyǧyna müşe – fransuz kompaniialary arasynda öttı. Onlain ıs-şaraǧa Qazaqstan-Fransiia ıskerlık keŋesınıŋ teŋ töraǧalary Aidan Kärıbjanov pen İv-Lui Darrikarrer, Qazaqstan elşısı Jan Ǧaliev, Nūr-Sūltan qalasy äkımınıŋ orynbasary Malika Bektūrova, sondai-aq «Astana Invest» jäne «Astana Innovations» kompaniialarynyŋ ökılderı qatysty. M.Bektūrova qalalyq infraqūrylymnyŋ jaǧdaiy men bolaşaǧy, sondai-aq şeteldık investorlarmen jäne serıktestermen özara ärekettesu mehanizmderı turaly egjei-tegjeilı aqparat berdı. Fransuz kompaniialarynyŋ ökılderı özderın qyzyqtyrǧan bırqatar sūraqtar qoiyp, tolyqqandy jauaptar ala aldy. Atap aitqanda, olardy infraqūrylym men kölıktı damytu, ekologiiany jaqsartu jäne qorşaǧan ortany qorǧau, sondai-aq sifrlandyru jobalaryna qatysu mümkındıkterı qyzyqtyrdy. Fransuz ärıptester ūsynylǧan aqparattyŋ joǧary sapasy men özektılıgın atap öttı. Kezdesuge qatysuşylar bırlesken jobalar boiynşa jüzbe-jüz talqylau ötkızu üşın sanitarlyq kedergılerdıŋ tezırek alynatynyna ümıt bıldırdı.
