Futbol matchy kezınde kölık qozǧalysy şekteledı
Halyqaralyq äielder künı – 8 nauryzda «Astana Arena» stadionynda ötken mausymnyŋ üzdıkterı – el chempiony «Astana» men Kubok jeŋımpazy «Qairat» komandalary Qazaqstan Respublikasynyŋ Superkubogyn sarapqa salady.
Osy match ötetın uaqytta stadionǧa maŋailas köşelerde kölık qozǧalysy şekteledı.
Oiyn saǧat 15:00-de bastalady. Saǧat 13:00 Qabanbai batyr jäne Tūran daŋǧyldary boiynda Kerei men Jänıbek handar köşesınen Husein ben Talal köşesıne deiıngı bölıgınde kölık qozǧalysy toqtatylady. Joldar match soŋyna deiın jabyq bolady. Sondyqtan äuejaiǧa baratyn astanalyqtarǧa jäne jaqyn maŋdaǧy eldı mekenderdıŋ tūrǧyndaryna ainalyp ötu joldaryn aldyn ala josparlaudy ūsynady. Eŋ yŋǧaily jol – Orynbor köşesı arqyly jüru.
Dästür boiynşa futbol janküierlerı üşın arnaiy transport ūiymdastyrylady. Avtobustar janküierlerdı bes jerden alyp ketedı: «Qazaqstan» sport saraiynyŋ janyndaǧy tūraq, Q. Mūŋaitpasov atyndaǧy stadionnyŋ, «Äzıret Sūltan» jäne «Nūr Astana» meşıtterınıŋ janyndaǧy tūraqtar, sondai-aq, elordalyq sirk janyndaǧy tūraq.
Astana qalasy IID jergılıktı polisiia qyzmetı janküierlerden būl künı qoǧamdyq kölıktı paidalanuǧa şaqyrady.
astana-akshamy.kz