«Astana aqşamy» – halyqqa, elge quanyş äkeletın, jūrtty oilandyratyn gazet. Qazır būl basylym astanalyq är otbasynyŋ tuysy siiaqty bolyp kettı. Basylymǧa jazylǧan är şaŋyraq gazettıŋ jaŋa nömerın asyǧa kütedı dep oilaimyn.
Elektrondy aqparat qūraldaryn oqyǧan bır basqa da, al qolǧa ūstap oqyǧan düniege eşteŋe jetpeidı. Gazet – naǧyz şyndyqtyŋ ainasy. Gazette jariialanǧan materialǧa senesız, köŋılıŋız oǧan toǧaiady. Äleumettık jelını aqparattar tasqyny basyp kettı. Onyŋ qaisysy ötırık, qaisysy şyn aiyryp bolmaisyŋ. Osy tūrǧyda «Astana aqşamynyŋ» oqyrmanǧa bererı köp. Osy basylymda qarapaiym adamdardan bastap öner adamdarynyŋ, jazuşylardyŋ jeke portretterı, tarih turaly, aŋyz äŋgımelerı jiı jariialanyp tūrady. Gazet tılşılerı halyqty tolǧandyryp jürgen mäselelerın döp basyp, oqyrmannyŋ susynyn qandyrady. Bıraq ömırdıŋ köleŋkelı jaqtaryn köp jaza bermei, quanyşty habarlardy jetkıze berse degen tılegım bar.
Jeke basyma kelsem, menı jūrtqa tanytqan – gazet. Bala kezımde «Ortalyq Qazaqstan», «Qazaq ädebietı» gazetterı arqyly «Bala Bırjan» bolyp tanyldym. «Astana aqşamy» gazetınde de men turaly bıraz jazyldy. Tört-bes jyl būryn Azamat Esenjol degen jıgıt kelıp, sūhbat aldy. Biyl jetpıs jasqa tolǧanymda astanalyq basylym kölemdı maqalany jariialady. Sol üşın gazet ūjymyna şyn jüregımnen alǧys aitamyn.
Otyz jyldyq mereitoilaryŋyz qūtty bolsyn! Otyz jas – bır azamattyŋ jasy, oqyrmandaryŋyz artyp, jazar köbeisın! Halyqtyŋ oiynan, kökeiınen şyǧa berulerıŋızge tılektespın! Toi toiǧa ūlassyn!
Qairat
BAIBOSYNOV,
Qazaqstannyŋ
halyq ärtısı,
Memlekettık
syilyqtyŋ laureaty
