Qazan aiynyŋ ortasynan bastap elordanyŋ eŋ ırı tūrǧyn alaptarynyŋ bırı – «Oŋtüstık-Şyǧys» üilerı gazǧa qosylyp jatyr.
«Oŋtüstık-Şyǧys» jeke sektory – elordadaǧy tütınnıŋ negızgı közderınıŋ bırı. Sondyqtan būl audandy gazdandyru qaladaǧy ekologiialyq jaǧdaidy jaqsartuǧa mümkındık beredı.
«Mıne, bızde köpten kütken gaz bar. Endı ballondardy satyp almaimyz, üi gazǧa tıkelei qosylǧan, būl qauıpsız. Peş jaqqan kezde, tıptı kül şyǧarǧanda da kömırqyşqyl gazymen dem alamyz. Jäne küldı künıne bırneşe ret şyǧaru kerek. Ärine, būl – ülken jükteme, öitkenı otyn jinaimyz. Al bız üşın basty qūndylyq – densaulyq. Özımızdıŋ igılıgımız ben densaulyǧymyz üşın gazǧa qosyluǧa daiyn boldyq» dep atap öttı «Oŋtüstık-Şyǧys» tūrǧyn alabynyŋ tūrǧyny Aitjan Estaeva.
Kün saiyn tūrǧyn alabynyŋ tūrǧyndarynan gazǧa qosyluǧa ötınımder köbeiude. Osylaişa bügınde kelesı audandarda gaz beru qamtamasyz etıldı: «Promyşlennyi» t/a (Qoşqarbaev daŋǧylynyŋ oŋtüstıgındegı köşeler tolyǧymen); Momyşūly daŋǧyly – Abylaihan daŋǧyly – Qoşqarbaev daŋǧyly – Qordai köşesı; Qūdaiberdıūly daŋǧyly – Burabai köşesı – Abylaihan daŋǧyly – Mūstafin köşesı; Qobylandy batyr köşesı – Lepsı köşesı – Qūdaiberdıūly daŋǧyly – Burabai köşesı. Osy audandarda tūratyn tūrǧyndar üidı gazǧa qosuǧa ötınım beru üşın «QazTransGaz Aimaq» AQ-qa (Respublika daŋǧyly, 24) jügınuı qajet. Tolyq aqparat alu üşın +7 (7172) 55-89-75, ışkı nömır: 1530, 1527, 1534.
«Oŋtüstık-Şyǧys» tūrǧyn alabynyŋ qalǧan bölıgı boiynşa ıske qosu-retteu jūmystary jürgızılude, gazdy ıske qosu kezeŋ-kezeŋımen bır ai ışınde oryndalady. «Qazaqauyl» (Qaraötkel) şaǧyn audany boiynşa qūrylys-montajdau jūmystary jürgızılude.
Nūr-Sūltanda qalany gazdandyru boiynşa auqymdy jūmystar jalǧasuda. Ekı jyl ışınde elordada 645 şaqyrymnan astam kvartalışılık gazben jabdyqtau jelılerı salyndy. Gazǧa «Köktal-1», «Köktal-2», «Jeleznodorojnyi», «Agroqalaşyq» bölıgı jäne «Oŋtüstık-Şyǧys» tūrǧyn alaptarynyŋ tūrǧyndary qosyldy.
Osy küzde «Promyşlennyi», «Agroqalaşyq» jäne «Oŋtüstık-Şyǧys» (qosylmaǧan bölıgı) tūrǧyndary gazǧa qosylu mümkındıgın alady. Sondai-aq «QazTransGaz Aimaq» AQ «Küigenjar», «Michurin», «İnternasionalnyi» eldı mekenderınde gazben jabdyqtau jelılerınıŋ qūrylysyn jürgızude.
