Chempionattyŋ 25 mausymnyŋ keşınde bastalyp, 27-nıŋ tünınde tiianaqtalǧan eseptı merzımı alǧaşqy ekı ırıkteu tobynan plei-off kezeŋıne şyqqan 4 komandany atap berdı. Aldymen būrynǧy ekı matchta qūiynperen körıngen Resei qūramasynyŋ «tūmsyǧy tasqa tidı». Bıraq Urugvaidan 0:3 esebımen qirai jeŋılgenımen, topta ekınşı oryn aldy. Al İspaniia – Marokko, İran – Portugaliia, Daniia – Fransiia aralaryndaǧy kezdesuler teŋ nätije äkeldı. Osy ūşyrasulardyŋ qorytyndysynda 1/8 kezeŋde Fransiia – Argentina, Urugvai – Portugaliia, Resei – İspaniia, Daniia – Horvatiia kezdesetınderı belgılı boldy. Bügın jäne erteŋ qalǧan törttık anyqtalady.
Älbette, goldan goldyŋ aiyrmaşylyǧy bar. Onyŋ qūny keide ondaǧan eselep artyp ketıp jatady. 27 mausym künı tünde Nigeriia – Argentina arasynda ötken matchtyŋ soŋyna taman Markos Roho soqqan goldyŋ salmaǧy tıptı zor boldy. Ol küllı Argentina elınıŋ qyl ūşynda tūrǧan tılegın oŋǧartyp berdı. Osynyŋ arqasynda eldıŋ ūlttyq qūramasy plei-off aimaǧyna ötıp, chempionatty jalǧastyruǧa mümkındık aldy. Sol golǧa orai bız de aldyn ala jasaǧan kestemızden şyǧyp, osy match jönınde maqala jazuǧa otyrdyq.
Şeşuşı matchtyŋ aldynda bas jattyqtyruşy Horhe Sampaoli starttyq qūramdy bır sılkıp aldy. Osy dürmekte Franko Armani qaqpadan oryn alsa, şabuyldyŋ ötkır şebıne Gonsalo İguain şyǧaryldy. Al Ahmed Musa men Kelechi İheanachony alǧy şepke qoiǧan Nigeriia būrynǧy 3-5-2 syzbasyn saqtap qaldy.
Teŋ oinasa boldy, tört qūbylasy tügeldene beretın qarsylasyna qaraǧanda, jaiy küiıp tūrǧan Argentina özı üşın tek qana jeŋıs kerek bolǧandyqtan, alǧaşqy minuttan bar küşımen alǧa ūmtyldy. Būl tūsta Nigeriianyŋ qorǧanysy bırşama jüiesız körındı. Bıraq, tūtastai alǧanda, qaqpanyŋ qorǧap qaluǧa baǧyttalǧan mındetterın abyroimen oryndap tūrdy. Mūnyŋ artynan afrikalyqtar özderı bırneşe şabuyl ūiymdastyryp kördı. Sodan keiın alǧaşqy ekı turda ūiyqtap jürgen Lionel Messidıŋ de kezegı keldı. Osy tūsta erekşe belsendı qimyldai bastaǧan ol 14-minutta Ever Banegada pas alyp, bır qorǧauşyny aldap öttı de, dopty baǧannyŋ alys būryşyna solq etkızdı. Gol! Bıraq būdan ary komanda şabuyl şebınıŋ qarqyny bırtındep tömendei berdı.
Kezdesudıŋ mūndai eseppen aiaqtaluy Argentinany qanaǧattandyruy mümkın edı, eger qatar jūptaǧy İslandiia Horvatiiadan ūtyla qalsa, Leonyŋ jasaǧy ekınşı orynǧa senımmen qadam basatyn. Alaida däl qazır odan 2 ūpai alda tūrǧan Nigeriiany jeŋılıs joldan şyǧaryp tastaityn. Onyŋ tılegın tıptı teŋ oiynnyŋ özı oryndap bere aluşy edı. Sondyqtan «qara qūrlyq» ökılderı jappai qauyrt şabuylǧa şyǧuǧa täuekel etpedı. Būl şabuyldyŋ ötkır boluyna kedergı keltırdı. Mūnyŋ esesıne, argentinalyqtar qaita atqa qondy. Taimnyŋ orta tūsynda İguain aiyp alaŋyndaǧy soqqy berer nükteden tabyldy. Messiden dop alǧan ol qarsylastar qaqpaşysy Frensis Uzohodan ailasyn asyra almady.
Ekınşı taimnyŋ basynda Haver Maskerano joq jerden jaŋylys basyp, penalti belgılenuıne sebepşı boldy. Ony Viktor Mozes ädemı paidalanyp, tablodaǧy eseptı teŋestırdı. Būdan keiın argentinalyqtar üşın plei-off auyly qaşyqtai tüstı. Sol abyrjytsa kerek, olardyŋ endıgı jerdegı şabuyldarynan bereke qaşty. Mūny baiqaǧan Sampaoli joryqqa tyŋ küşter qosty. Bıraq Nigeriianyŋ qarsy şabuyldary ötkırırek körınıp tūrdy. Osy ersılı-qarsyly şapqylasulardyŋ pälendei nätije äkeletınıne senım tügesıle tüsken şamada Markos Roho jarq etıp közge körınıp, milliondaǧan argentinalyq jūrt ümıtterınıŋ ottaryn oiatyp berdı. Äuelı Merkado aiyp alaŋyna äueletıp dop jetkızdı. Sol jerde ony ekı oiynşynyŋ arasynda qabyldap alǧan Markos qysyltaiaŋ sätte keremet qatty soqqy jasap ülgerıp, qaqpanyŋ torynan bır-aq şyǧardy. Būdan keiın argentinalyqtar uaqytty sozyp, osy eseptı saqtap qaluǧa baryn saldy. Kezdesudıŋ soŋǧy minuttarynda uaqytty sozuǧa köbırek nazar audaryp ketken Messidıŋ özı osy üşın «sary qaǧaz» alyp qaldy. Bıraq osy äupırımmen olar jeŋıstı eseptı aqyr soŋyna deiın apardy.
Nätijesınde üş oiynda tügel jeŋıske jetken İslandiia 9 ūpaimen bırınşı orynda qaldy. Argentina 4 ūpaimen ekınşı orynǧa jaiǧasty.
Qysqa-nūsqa
* Mausymnyŋ 27-sıne deiın chempionatta 40 match oinaldy.
* Būl oiyndarda eŋ köp kezdesken esep – 1:0 jäne 2:1. Būlardyŋ ärbırı 10 retten kezdestı.
* 40 oiynda 105 gol soǧyldy. Är matchqa orta eseppen – 2,62 doptan.
* Osy aralyqta 3 futbolşy alaŋnan quylyp, 130 ret eskertu berıldı.
* 40 oiyndy 1 792 146 adam kördı. Būl – är kezdesude orta eseppen 44 802 körermen boldy degen söz.
* Osy kezge deiın qaqpaǧa 22 penalti belgılenıp, olardyŋ 17-sı golǧa ainaldy. Üş dopty qaqpaşy qaǧyp aldy, ekı futbolşy qaqpadan biık jıberdı.
* Chempionatta 2 het-trik, 8 dubl jasaldy, 6 avtogol soǧyldy.
Turnir tablosy
25 mausym
3-tur
Samara.
Urugvai – Resei 3:0
Goldar: Luis Suares (10), Denis Cheryşev (23, avtogol), Edison Kavani (90)
Volgograd.
Saud Arabiiasy – Egipet 2:1
Goldar: Mohammed Salah (22) – Salim äl-Faradj (45-+6, penalti), Salem äl-Dausari (90+5)
Salynbaǧan penalti: Fahad äl-Muvallad (E, 41, qaqpaşy)
26 mausym
Kaliningrad.
İspaniia – Marokko 2:2
Goldar: İsko (19), Iаgo Aspas (90+1) – Halid Butaib (14), Iýssef än-Nesiri (81)
Saransk. İran – Portugaliia 1:1
Goldar: Karim Ansarifard (90+3, penalti) – Rikardu Kuarejma (45)
Salynbaǧan penalti: Kriştianu Ronaldu (P, 53, qaqpaşy)
Sochi. Avstraliia – Peru 0:2
Goldar: Andre Karrilo (18),
Paolo Gerrero (50)
Mäskeu. «Lujniki».
Daniia – Fransiia 0:0
27 mausym
Sankt-Peterburg. Nigeriia – Argentina 1:2
Goldar: Viktor Mozes (51, penalti) – Lionel Messi (14), Markos Roho (86)
Dondaǧy Rostov.
İslandiia – Horvatiia 1:2
Goldar: Gilfi Tor Sigurdsson (76, penalti) – Milan Badel (53), İvan Perişich (90)
Mergender köşı
Kriştianu Ronaldu
Romelu Rokaku (Belgiia)
Dinis Cheryşev (Resei)
Diego Kosta (İspaniia)
Garri Kein (Angliia)
Artiom Dziuba (Resei)
Mile Edinak (Avstraliia)
Luka Modrich (Horvatiia)
Filippe Koutino (Braziliia)
Ahmed Musa (Nigeriia)
Eden Azar (Belgiia)
Djon Stouns (Angliia)
Luis Suares (Urugvai)
Mohammed Salah (Egipet)
