Qazaqstan Halyq partiiasy ügıt-nasihat jūmystaryn Batys Qazaqstan oblysynda jalǧastyryp, partiialyqtar Oral qalasyndaǧy tıgın fabrikasynda boldy.
Kandidattar jergılıktı joǧary medisinalyq kolledjınıŋ studentterımen jäne oqytuşylarymen kezdestı. Oralda qazır jaŋa şaǧyn audan boi köterude. Ügıt toby ol jerde de bolyp, qūrylysşylarmen kezdestı. Jūmysşylardyŋ tılegın tyŋdaǧan partiialyqtar sailaualdy tūǧyrnamadaǧy tarmaqtarǧa keŋınen toqtaldy.
– Partiia bastamasymen 200-den astam ıs-şara ötkızıldı. 50 myŋnan astam ügıt materialdary taratyldy. Batys Qazaqstan oblysynyŋ är audanyna bardyq. Kezdesuge halyq belsendı qatysuda, – dedı Niiazbek Esenaliev, «Qazaqstan Halyq partiiasy» QB müşesı.
Sondai-aq Almatyda Parlament Mäjılısı deputattyǧyna kandidat, Qazaqstan Halyq partiiasynyŋ töraǧasy Ermūhamet Ertısbaevtyŋ qatysuymen sailaualdy beibıt ügıt-nasihat ıs-şarasy öttı.
«Almaty – Täuelsızdıgımızdıŋ talbesıgı. Şahar ıskerlık pen mädeni ömırdıŋ ortalyǧy retınde elımızdıŋ damuyna erekşe üles qosyp keledı. Almatyda halyqtyŋ belsendılıgı joǧary bolǧandyqtan, bızdıŋ sailaualdy baǧdarlamamyzdaǧy özgerıster men reformalardyŋ negızgı tıregı de – osy şahardyŋ tūrǧyndary» dedı partiia töraǧasy.
Ol sondai-aq qala halqynyŋ naqty tabysynyŋ ösuı turaly QHP baǧdarlamasynyŋ negızgı bölıgınde basa nazar audarylyp otyrǧanyn jetkızdı. Şaǧyn jäne orta biznes salasy tūrǧyndardy jūmyspen qamtudyŋ 65 paiyzdan astamyn qamtyp otyr. Osy rette töraǧa jūmysşylardyŋ eŋbegı baǧalanyp, ädıl jalaqy aluy maŋyzdy ekenıne nazar audardy.
