HALYQARALYQ TEATR KÜNI TOILANDY
«Adam bügın teatrǧa erteŋ adam bolyp qalu üşın barady» degen kanadalyq rejisser Rober Lepajdyŋ pıkırımen tolyqtai kelısuge bolady. Sebebı, san türlı önerdıŋ basyn qosqan teatr älemınen jan düniemızdı mazalaityn ömırlık sūraqtardyŋ jauabyn tabatynymyz ras.
1961 jyly Halyqaralyq Teatr instituty Vena qalasynda ötken IX kongresınde 27 nauryzdy «Halyqaralyq teatr künı» (World Theatre Day) dep bekıttı. Jyl saiyn köktemnıŋ alǧaşqy aiynda būl merekenı Halyqaralyq Teatr instituty men düniejüzındegı teatr qauymdastyqtary joǧary deŋgeide atap ötedı. Atalmyş mereke bızdıŋ elordamyzda da osymen üşınşı ret dästürlı türde toilanuda.
Kongress-Holda akterlar qauymyn töl merekesımen qūttyqtaǧan Astana qalasy Mädeniet basqarmasynyŋ basşysy Bolat Majaǧūlov elorda äkımı İmanǧali Tasmaǧambetovtıŋ arnaiy qūttyqtau hatyn oqyp, gülşoǧyn tabystap, osy jyly eren eŋbegımen üzdık tanylǧan bırqatar teatr saŋlaqtaryn alǧys hatpen marapattady. Būl tızımde Q.Quanyşbaev atyndaǧy memlekettık akademiialyq Qazaq muzykalyq drama teatrynyŋ aktrisasy Baqyt İsabekova, M.Gorkii atyndaǧy memlekettık akademiialyq Orys drama teatrynyŋ aktrisasy Natalia Matveeva, «Naz» bi teatrynyŋ akterı Almat Şämşiev, «Jastar» teatrynyŋ beldı akterı Azamat Esqūlov, «Quyrşaq» teatrynyŋ jas akterı Amanjol Temırhanūly men «Terra» bi teatrynyŋ bişısı Olga Tahirqyzy bar.
Äşırbek Syǧai bastaǧan teatr önerınıŋ tarlandary ärıptesterın qūttyqtap, jas daryndardyŋ merekelık keşke arnaiy daiyndaǧan sahnalyq qoiylymdarymen tanysty.
«EKSPO-2017» akterlar közqarasymen» taqyrybynda är teatr ūjymy özındık qoiylymdaryn sahnalady. M.Gorkii atyndaǧy Orys drama teatrynyŋ akterlerı Astanaǧa jaŋa jastar teatrynyŋ qajet ekendıgın, Qalleki teatrynyŋ ūjymy öz qoiylymdary arqyly ūlttar dostyǧy men tatulyǧyn körsetse, «Quyrşaq» teatry sahnada myŋ būrala bilei alatyn alyp quyrşaqtarymen tek balalardy ǧana emes, ülkender qauymyn da täntı ete alatyndaryn körsettı.
Tūrsynbek Qabatov bastaǧan «Äzıl älemınıŋ» jıgıtterı parodiialarymen zaldy dumanǧa böledı. «Dala teatrynan bastap, qazırgı zaman jäne bolaşaqtaǧy teatr qandai bolmaq?» degen ideiany sahnalaǧan «Jastar» teatry ozyq tehnologiialar sanamyzdy qanşa jaulasa da, teatr ruhy öşpeitının qalyŋ körermenge jetkıze bıldı.
Nūrgül AHANQYZY