Elımızdıŋ eŋ basty bailyǧy – halyqtyŋ bırlıgı, osy baǧa jetpes bailyqtyŋ arqasynda elımızde yntymaqtastyq, tynyştyq pen tūraqtylyq qalyptasqan. Būl maŋyzdy negızder Qazaqstannyŋ damuyna jol aşyp kelude. Elımızdıŋ damuy būl ärine halyqtyŋ jaǧdaiynyŋ jaqsaruyna tıkelei bailanysty. Basqa Orta Aziia körşı elderdıŋ tūrmys aqualymen salystyrǧanda bızdıŋ jaǧdaiymyz bırşama jaqsy bolǧany bärımızge belgılı. Osyndai keremet memlekette ömır süru näsıp etkendıkten Jaratuşy iemızge şükırşılık keltıru bız üşın mındet dep bılemın. Halyq bırlıgın qamtamasyz etuge Tūŋǧyş Prezident Elbasy Nūrsūltan Nazarbaev ülken üles qosty, barşa ūlttardyŋ bastaryn qosyp bır halyqqa ainaldyrdy. Sabaqtastyq negızınde jaŋa Prezidentımız Qasym-Jomart Toqaev joldauynda osy bailyqty saqtau bıluımız kerek dep aitty. Sondyqtan barşa ūlttardyŋ bastaryn bırlıkte saqtau üşın, kelesı qadamymyz memlekettık tıldı ūltaralyq tıl retınde qoldanudy qadaǧalady. Men üşın osy mäsele jüregıme erekşe äser qaldyrdy. Kümänsız osy baǧytta bolsaq keleşegımız jarqyn bolady dep şynaiy senemın. Nege dep sūrasaŋyz, eŋ basty – otansüigış sezım jastar arasynda küşeiedı. Ekınşıden, tılge degen qūrmet tek qana söz bolmai amalmen de körsetılgen bolady, osymen bırge, memlekettık tıldıŋ qajettılıgı qalyptasady. Keibır elımızdıŋ azamattary, osyndai pıkır bıldıredı. «Bız qazaq tılısız ömır süre alamyz, uaqytymyz az qaldy nemese qabıletımız joq» deidı. Osylai aitsaq jastarǧa qandai ülgı körsetken bolamyz? Bolaşaq jastardyŋ qolynda degenımız – barlyq jauapkerşılıktı olarǧa jüktegen tärızdı emes, ülkenderdıŋ körsetken joly, bergen tärbiesı, nasihatty sözı, ūlaǧatty ülgısımen belgılenıp, bolaşaǧymyzdyŋ qandai boluyna tıkelei bailanysty. Bız jastarǧa ösiet etıp, bırlıktı saqtau bıluımız kerek dep ärqaşanda aityp kelemız. Al eger memlekettık tıldı olardyŋ ömırınde bırınşı tıl retınde qoldanuǧa mümkındık bersek, sonda aldymyzǧa qoiylǧan maqsattarǧa mındettı türde jetetın bolamyz.
