Keşe L.N.Gumilev atyndaǧy Euraziia ūlttyq universitetınde Prezidenttıŋ Qazaqstan halqyna Joldauyn aqparattyq tüsındıru maqsatynda jastarmen kezdesu öttı.
Studenttermen kezdesuge qoǧam qairatkerı, tıl janaşyry Orazkül Asanǧazyqyzy, qalalyq Işkı saiasat basqarmasynyŋ basşysy Däuren Babamūratov jäne filologiia ǧylymdarynyŋ kandidaty, dosent Serıkzat Düisenǧazy qatysty. «Prezidentımızdıŋ halyqqa Joldauy ülken serpın berdı. Būl joldau – eldıŋ ruhani ösuıne, halyqtyŋ äleumettık jaǧdaiyna köŋıl bölıngen joba. Joldauda bılım beru, densaulyq saqtau, äleumettık salalardyŋ barlyǧy qamtylǧan. Sonyŋ ışınde «Qazaqstan Respublikasynda memlekettık tıl bıreu ǧana jäne ol – qazaq tılı» dep Prezidentımızdıŋ aitqany jūrt köŋılınen şyqty. Qazır qoǧamdaǧy eŋ qajet mäselenıŋ bırı – osy qazaq tılınıŋ qoldanys aiasyn keŋeitu mäselesı. Sondyqtan da bız bügın jastarmen kezdesıp, Joldauda aitylǧan eŋ maŋyzdy mäselelerdı talqylaudamyz» dedı qoǧam qairatkerı Orazkül Asanǧazyqyzy.
Şara erkın, sūraq-jauap formatynda öttı. Joǧary oqu ornynyŋ tabaldyryǧyn endı attap, ülken ömırge qadam basqan ärtürlı mamandyqta oqyp jürgen jastar da Joldauǧa erekşe qyzyǧuşylyq tanytty. «Būl jiyn bızge erekşe äser qaldyrdy. Būryn bılmegen, baiqamaǧan köp mäselelermen tanystyq. Äsırese qazırgı pandemiia jaǧdaiyndaǧy elımızdıŋ medisina salasyna köŋıl bölıp, därı şyǧaratyn zauyttardy 17 paiyzdan 50 paiyzǧa deiın ösırıp jatqany – qūptarlyq jaǧdai. Bız de öz kezegımızde Prezidentı Joldauynyŋ jüzege asuy üşın qolymyzdan kelgenşe tyrysamyz» dedı jurnalistika jäne saiasattanu fakultetınıŋ studentı Rauşan Nūrǧalieva.
