Premer-ministr Asqar Maminnıŋ töraǧalyǧymen ötken Ükımet otyrysynda halyqty jūmyspen qamtu şaralary qaraldy. Eŋbek jäne halyqty äleumettık qorǧau ministrı Serık Şäpkenov, «Atameken» ŪKP basqarma töraǧasy Abylai Myrzahmetov, Qaraǧandy oblysynyŋ äkımı Jeŋıs Qasymbek, Qyzylorda oblysynyŋ äkımı Gülşara Äbdıqalyqova, Şymkent qalasynyŋ äkımı Mūrat Äitenov baiandama jasady.
Qazaqstanda halyqty jūmyspen qamtu boiynşa daǧdarysqa qarsy şaralar keşenı qabyldandy. 2021 jyldyŋ 9 aiynyŋ qorytyndysy boiynşa jūmyspen 1 mln-nan astam qazaqstandyq qamtyldy. Biylǧy jyldyŋ soŋyna deiın qosymşa 200 myŋ adamdy qamtu közdelgen. Ükımet basşysy belgılengen josparlar oryndalatynyn atap öttı.
Sonymen qatar bügıngı taŋda ekonomikanyŋ barlyq salalarynyŋ qyzmetı qalpyna keltırılıp jatyr. «Būl şaralar jūmyssyzdyqtyŋ ösuıne jol bermeuge jäne ony 4,9% deŋgeiınde ūstap tūruǧa mümkındık beredı. Maŋyzdy mäsele – tūraqty jūmys oryndaryn qūru, biyl kemınde 440 myŋ jūmys orny qūryluy tiıs» dedı A.Mamin. Premer-ministr Atyrau (bos oryndarǧa jūmysqa ornalasqandardyŋ ülesı – 68%), Qaraǧandy (66%) jäne Qostanai (66%) oblystaryndaǧy tūraqty jūmys oryndaryn qūrudyŋ oŋ täjıribesın atap öttı.
Sonymen qatar «Eŋbek» baǧdarlamasy boiynşa jyldyq jospardyŋ oryndaluynyŋ tömen deŋgeiı Almaty jäne Şymkent qalalarynda, sondai-aq Batys Qazaqstan oblysynda baiqalady. Jūmyspen qamtudyŋ jol kartasy aiasynda jobalardy ıske asyrudyŋ tömen deŋgeiı Şymkent qalasynda, Qyzylorda, Aqmola jäne Aqtöbe oblystarynda baiqalady. Ükımet basşysy artta qalǧan öŋırlerge «Eŋbek» baǧdarlamasy men Jūmyspen qamtudyŋ jol kartasy aiasynda josparlardy oryndau jūmysyn jandandyrudy tapsyrdy. Eŋbek ministrlıgıne salalyq memlekettık organdarmen, öŋırlerdıŋ äkımdıkterımen bırlesıp, bır ai merzımde ekonomikanyŋ sapaly jäne ornyqty ösuın qamtamasyz etu üşın kadr qajettılıgın anyqtau mäselesın özektendıru tapsyryldy.
