Bas qalada poliseilerge arnalǧan jaŋa ǧimarat paidalanuǧa berıledı. Būl turaly Nūr-Sūltan qalasynyŋ äkımı Altai Kölgınov habarlady.
«Tärtıp saqşylaryna qolaily eŋbek jaǧdailaryn tuǧyzu jäne qala tūrǧyndarynyŋ qauıpsızdıgın qamtamasyz etu üşın polisiia departamentınıŋ (Saryarqa audany) bölımşesıne arnalǧan jaŋa ǧimarattyŋ qūrylysyn jürgızıp jatyrmyz. Qūrylystyŋ özı 5 jyl būryn bastalǧan, bıraq sot prosesterıne bailanysty problemaly nysan retınde tanyldy. Maŋyzdy nysannyŋ qūrylysyn qaita bastau üşın bırqatar mäselelerdı şeştık. Sonyŋ ışınde qūrylys konstruksiialaryna tehnikalyq tekseru jürgızıldı: apatty jerlerı būzyldy, aralyq jabyndary küşeitıldı jäne taǧy basqa jūmystar atqaryldy. Nysan bırneşe aidan keiın paidalanuǧa berıledı. Jaŋa ǧimaratta 500 polisiia qyzmetkerı jūmys ısteidı» dep tüsındırdı qala basşysy.
Äkımnıŋ aituynşa, elordadaǧy tört eldı mekende dene şynyqtyru-sauyqtyru keşenı salynyp jatyr. Onda qala tūrǧyndarynyŋ ötınışı boiynşa uchaskelık polisiia beketterı ornalasady. Mäselen, Köktalda qazırdıŋ özınde dene şynyqtyru-sauyqtyru keşenı jūmys ıstep tūr.
«Sondai-aq qalanyŋ türlı audandarynda qoǧamdyq tärtıp pen qauıpsızdıktı qamtamasyz etu üşın, sol siiaqty azamattarymyzǧa yŋǧaily bolu üşın polisiianyŋ moduldık beketterın aşamyz. Olardyŋ sanyn bırınşı kezeŋde 10-ǧa deiın jetkızemız. Sonymen qatar, 7 uchaskelık polisiia beketı jaŋǧyrtyldy. Būl şaranyŋ bärı bızge qalany «Nūr-Sūltan – jaily qala» bas jospary aiasynda damytuǧa mümkındık beredı. Äleumettık nysandar (mektepter, qoljetımdı tūrǧyn üi, medisinalyq ortalyqtar, polisiianyŋ tırek punktterı jäne t.b.) qadamdyq jerde qoljetımdı bolady» dedı Altai Kölgınov.
