Sanauly künderden keiın, altyn ūia – mektebımızben qoştasamyz. Ülken ömırge qadam basamyz. Men jurnalist mamandyǧyn taŋdap qoidym. Osy bır qiyn da qyzyqty maman iesı atanǧym keledı, oǧan senımım zor.
qoştasudyŋ saǧatyn boldyrmai, älı mektep oquşysy bolyp jüre berer me edım? Sebebı mekteptegı künderım – menıŋ ömırımde ülken orny bar. Tūlǧalyq damudyŋ mekenı desem, artyq aitqanym emes. Jan-jaqty boluǧa, Otansüigıştıkke tärbielegen, sonymen qatar öz ısıŋe, ainalaŋa adaldyqty üiretken – ekınşı üiım.
Al endı menı alda jaŋa asular men kökeiımdı tesıp, oryndaluǧa asyǧyp tūrǧan armandarym tūr. Qazaǧymyz «armansyz adam – ormansyz būlbūl» dep beker aitpaǧan. Rasynda da adam balasynyŋ armany köp bolady emes pe? Kışkentai bala oiynşyq nemese tättı kämpittı armandasa, jasy kelgen qariia balalary men nemerelerınıŋ saulyǧyn tıleidı.
Arman ol bızdı damytuşy, jeter jolǧa baǧyttauşy sekıldı. Közdegenımızge jetpegenşe ol bızdıŋ oiymyzdan ketpeidı. Säikesınşe menıŋ de jürekjardy armandarym bar. Öz armanym jaily aitatyn bolsam, men özımnıŋ bala künımnen armandap kele jatqan «jurnalist» mamandyǧy boiynşa därıs alyp, elımnıŋ qalauly, abyroily jäne eŋ bastysy, dara joldy jurnalist bolǧym keledı. Şynaiy bolyp, özektı aqparattarmen bölısıp, artymdaǧy ını-sıŋlılerıme ülgı bolǧym keledı. Jastardyŋ tıl tazalyǧyna asa qatty män berıp, olardy el janaşyry boluǧa tartu eŋ basty – maqsatym. Osyndai armandardyŋ paida boluyna, bızdıŋ tereŋ tarihymyzben, Alaş qairatkerı Älihan Bökeihannyŋ «Tırı bolsam qazaqqa qyzmet qylmai qoimaimyn!» degen qanatty sözı yqpal etkendei. Ata-babamyz, bızdıŋ kök aspan astynda, täuelsız halyq bolyp ömır süruımız üşın ömırlerın qūrban etuge daiyn boldy. Al myna bızder, artymyzdan kele jatqan, keleşek ūrpaqqa qandai mūra qaldyra alamyz? Özımız körıp jürgendei, materialdy qūndylyqtardy bırınşı orynǧa qoiyp, adamgerşılıktı, adaldyqty ūmytyp bara jatqan adam qanşama?! Däl osy sebeppen men adami qūndylyqqa baǧyttalǧan, damu ürdısımen jüretın jäne özderınıŋ ata-tegın, tarihyn aiqyn bıletın ūrpaqtardy armandaimyn. Armandap qana qoimai, sol jolda elıme qyzmet etuge daiynmyn!
Alua ÄŞIRBEKOVA, Astana qalasy Ä.Bökeihan atyndaǧy №76 mektep-
lisei tülegı
