Qalalyq assambleianyŋ qarymdy qyzmetı
![](https://astana-akshamy.kz/wp-content/uploads/2024/04/dsc7826-780x470.jpg)
Astana qalasyndaǧy Qazaqstan halqy assambleiasy qūramynda 5 myŋ adamnan qūralǧan 23 etnomädeni bırlestık jūmys ısteidı. Auyzbırşılık pen yntymaqtastyqtyŋ arqasynda barlyq etnos ökılderınıŋ tatulyǧyn saqtap otyrǧan assambleia elımızde jetekşı röl atqarady.
Assambleia küşımen barlyq salany qamtityn türlı qūrylym aşylǧan. Atap aitqanda, 56 şyǧarmaşylyq ūjym, 7 etnolingvistikalyq bırlestık, ǧylymi-saraptamalyq top, analar keŋesı, elordadaǧy «Assambleia jastary» RQB ökıldıgı, aqsaqaldar keŋesı, «Parasat» qaiyrymdylyq qyzmettı üilestıru ortalyǧy, «Analar amanaty» qolöner şyǧarmaşylyǧy ortalyǧy, «Mämıle» qazaq tılı pıkırtalas kluby, mediaortalyq, jurnalisterdı bırıktıru kluby, dybys jazu studiiasy, blogerler kluby, ANK Live, mediasiia kabinetı qarqyndy jūmys ısteidı.
Elordalyq etnomädeni ortalyqtar qalalyq jäne respublikalyq deŋgeidegı barlyq ıs-şaraǧa belsene atsalysady. Astanadaǧy Dostyq üiın qalalyq assambleianyŋ bet-beinesı dese bolady. Ol – resurstyq, aqparattyq-ädıstemelık, halyqaralyq jäne öŋıraralyq yntymaqtastyqtyŋ ortalyǧy. Dostyq üiı qajettı körme jabdyqtary, audio-beine apparatura, poligrafiialyq tehnikamen tolyq jabdyqtalǧan, onda konferensiialar, döŋgelek üstelder, kezdesuler ötkızuge jaqsy jaǧdai jasalǧan. Tıkelei efirde şyǧatyn ANK Live studiiasy respublikalyq jäne halyqaralyq deŋgeide ıs-şaralar ötkızuge mümkındık beretın qūral-jabdyqtarmen jasaqtalǧan. Şyǧarmaşylyq ūjymdar än jazdyryp, muzyka ärleuge arnalǧan dybys jazu studiiasy assambleiaǧa qarasty ortalyqtar jūmysyn jandandyryp keledı. Atalǧan studiianyŋ bır erekşelıgı – qazaq muzykalyq şyǧarmalaryn türlı etnostyŋ ūlttyq aspaptarynda oinau arqyly düiım elge körsetetın bıregei jobany jüzege asyratyny. Atap aitsaq, būǧan mysal retınde Abaidyŋ «Közımnıŋ qarasy» änın, «Älqissa» men «Köroǧly» küilerın özge ūlttardyŋ aspaptarynda oinap, sony dybystyq jazbaǧa tüsıru jūmystaryn atauǧa bolady. Odan basqa, Belarus mädeni ortalyǧy töraǧasynyŋ «Radima» änıne, «Şabyt» qazaq ūlttyq universitetı dekanynyŋ «Bız – qazaqstandyqtar» änıne klip tüsırıldı. Dostyq üiınıŋ 5 jyldyǧyna orai «Dostyq üiı» änınıŋ tūsauy kesılıp, Qazaqstan halqynyŋ bırlıgı künıne orai «Menıŋ Qazaqstanym» änıne beinebaian daiyndaldy.
Täuelsız Qazaqstan men elordamyzdyŋ qalyptasuyna üles qosqan türlı ūlttyŋ eŋbegı eren azamattary turaly «Assambleia. Tūlǧa. Taǧdyr» atty beinerolik tüsıru jobasy jüzege asuda. Sebebı qatardaǧy azamattardyŋ taǧdyry arqyly osynda otanyn tauyp, Qazaqstan halqynyŋ qūramyna kırgen etnostar tarihy jasalady. Osy rette qalalyq assambleia etnostar arasyndaǧy kelısım men toleranttyqty nyǧaituǧa baǧyttalǧan mazmūndy da tartymdy köptegen ıs-şaranyŋ ūiytqysy boluda.
Assambleia mūryndyq bolǧan eŋ tanymal ıs-şaralardyŋ qatarynda Qazaqstan halyqtary dostyǧynyŋ qalalyq festivalın, «Jastar joly» köşpelı jastar lagerın, Alǧys aitu künı aiasyndaǧy qaiyrymdylyq aksiialaryn, qasiettı jerlerge saiahattaudy, Ūlttyq dombyra künın toilaudy, «Altyn kün» patriottyq änderdıŋ balalar festivalın atauǧa bolady.
Halyq diplomatiiasy täjıribesın damyta otyryp, Dostyq üiı ünemı öz alaŋynda şeteldık delegasiialardy qabyldaidy. 2022-2024 jyldar aralyǧynda Dostyq üiınde Resei, Polşa, Germaniia, Qyrǧyzstan, Äzerbaijan, Başqūrtstan, Armeniia elderınen delegasiialar keldı. Osylaişa Dostyq üiı kezdesu men pıkırsaiys alaŋyna ainaldy. Elorda men qalalyq assambleia ömırındegı maŋyzdy oqiǧanyŋ bırı – Singapur elınıŋ būrynǧy prezidentı Halima Iаkob bastaǧan delegasiianyŋ keluı. Sonda ötken döŋgelek üstel barysynda Qazaqstan halqy assambleiasynyŋ ekı el halqynyŋ gumanitarlyq bailanysyn damytu, etnosaralyq qarym-qatynasty üilestırude maŋyzdy institut retındegı qyzmetı tanystyryldy. Sonymen qatar elordalyq Dostyq üiınde Nūrlan Şakiev töraǧalyq etetın Qyrǧyzstannyŋ Jogorku Keneş delegasiiasy qonaqta boldy. Resmi kezdesu kezınde assambleia qyzmetımen
tanysyp, onyŋ jūmysyna jaqsy baǧa berdı.
2023-2024 jyldary qalada assambleianyŋ mūryndyq boluymen 282 ırı ıs-şara, sonyŋ ışınde 18 halyqaralyq, 20 respublikalyq, 244 qalalyq ıs-şara ötken.