Ūsynys-pıkırler aityldy
Elordada mäslihat deputattary №1 arnaiy mektep-internatynyŋ mūǧalımderımen kezdesıp, «Ädılettı memleket. Bırtūtas ūlt. Berekelı qoǧam» taqyrybyndaǧy Memleket basşysynyŋ Joldauyn talqylady
Kezdesuge Astana qalasy mäslihatynyŋ deputattary Azamat Aithojin, Erlan Däkenov, mektep-internattyŋ direktory Ūlan Quanyş jäne mektep ūjymy qatysty.
Jinalǧan qauym bılım beru jüiesın, bılım men tärbie berudıŋ sapasyn arttyru mäselelerın talqylady.
– Bügıngı kezdesu barysynda Prezidenttıŋ Qazaqstan halqyna Joldauy talqylandy. Odan bölek, mektep-internatta jūmys ısteitın är qyzmetker mäslihat deputattaryna öz saualdaryn qoidy. Sondai-aq keibır mäseleler boiynşa öz ūsynystaryn aitty. Mūndai kezdesuler jiı bolyp tūrǧanyn qalaimyz, – dedı mektep-internat direktory Ūlan Quanyş.
Kezdesude bırqatar mäseleler köterıldı. Onyŋ ışınde jalaqynyŋ tömendıgı, kadrlardyŋ tapşylyǧy, jyly aialdamalar salu men qoǧamdyq kölık mäselesı bar. Būl turaly Astana qalasy mäslihatynyŋ deputaty Erlan Däkenov:
– Baiqasaŋyzdar, jyly aialdamalar tek qalanyŋ ışıne qoiylǧan. Bız ūstazdardyŋ jūmysqa, balalardyŋ mektepke kelıp, bılım aluyna jaǧdai jasauymyz qajet. Būl mäselelerdı respublikalyq deŋgeide köteretın bolamyz, – dedı.
Mektep-internatta qazırgı taŋda 264 qyzmetker jūmys ısteidı.