Joldaudyŋ är tarmaǧy özındık ūsynar baǧyt-baǧdarymen daralanady. Anyǧyraq aitqanda, Joldaumen tanysu barysynda būryn-soŋdy aşyq talqylanbaǧan türlı özektı mäselelerdı baiqaimyz.
Menıŋ erekşe nazarymdy audaryp, köŋılıme ümıt ūialatyp, ūrpaqtyŋ keleşegıne senımmen qarauyma bılım aiasynda qozǧalǧan taqyryp sebep boldy. Būl jaiynda Memleket basşysy Qasym-Jomart Toqaev 4-tarmaqta bılım sapasyn jaqsartu kerektıgın taiǧa taŋba basqandai etıp, naqty tüitkılderdı aişyqtai körsettı. Onyŋ eŋ negızgısı – eŋbek resursy, bılımdı mamandardy daiarlau. Jalpy, esep boiynşa elımızde jyl saiyn 21 myŋǧa juyq mektep tülegı käsıbi jäne joǧary oqu ornyna tüse almai qalady. Sonyŋ saldarynan memleketten oqşaulanǧan marginaldar men jūmyssyzdar qatary köbeiıp, qylmystyŋ jäne ekstremistık aǧymdardyŋ yqpalyna tüsuşılerdıŋ sany artady. Būl mäselelerdıŋ şeşımı qandai bolmaq? Osy oraida bız ärbır oquşynyŋ qabıletın aiqyndap, käsıbi baǧyt-baǧdar saiasatyna köşu arqyly ūlttyq standarttyŋ negızın qalauymyz qajet.
Ekınşıden, mäsele qala men auyl mektepterı arasyndaǧy orta bılım sapasynyŋ alşaqtaǧy. Qazırgı taŋda qai-qaisymyzdyŋ bolmasyn nazarymyzdy audartyp, köŋılımızge kümän tuǧyzǧan tüitkıldı problema. Būl jaiynda bılım sapasy reitingınen-aq baiqai alamyz. Halyqtyŋ, aşyǧyn aitqanda, balanyŋ bolaşaǧyna alaŋdauşylyqpen qarap jatqan ata-analar dabyl qaǧuda. Būl nenıŋ saldarynan? Ärine, auyl mektepterındegı bılıktı pedagog kadrlardyŋ jetıpeuşılıgı. Būl tūsta Memleket basşysy «Diplommen – auylǧa» baǧdarlamasynyŋ aiasyn keŋeitu men 20 milliard teŋge qarjy böludı, daryndy balanyŋ qabıletın damytudyŋ jol kartasyn äzırleudı Ükımetke tapsyryp, problemany şeşudıŋ bır ūşyn şyǧardy.
Kelesı kezekte, Prezident joǧary oqu oryndaryndaǧy bılım sapasy turaly da aitty. Ol jaiynda bılım beru oryndarynyŋ tek 60 paiyzy ǧana öz tülekterın jūmyspen qamtyp otyrǧanyn, sonymen qatar diplom satumen ainalysyp jürgen universitetterdıŋ de bar ekendıgın batyryp aitty. Aldaǧy jyldary ondai universitetter sanyn şektep, bılım beru sapasyn arttyruǧa küş salu turasynda tapsyrma berdı.
Prezident soŋǧy jyldary qoǧamda qyzu talqylanǧan oqulyq mäselesıne de toqtaldy. Naqtyraq aitqanda, oqulyq sapasynyŋ tömendıgı. Būl mäselege qūzyrly ministrlıkter jauapty ekendıgın eske saldy. Joldauda memlekettık tıl, memlekettık qyzmet, azamattyq qoǧam, etnosaralyq tatulyq siiaqty bırqatar mäseleler qozǧaldy. Keler jyly el bolyp Äl-Farabi babamyzdyŋ 1150 jyldyq, Abai Qūnanbaiūlynyŋ 175 jyldyq mereitoilaryn atap ötetınımız menı erekşe quantty. Sonymen qatar Memleket basşysy mūǧalımderdıŋ mäselesın de nazardan tys qaldyrmai, «Pedagogtardyŋ märtebesı turaly» jaŋa Zaŋ qabyldaudy tapsyrǧanyn – barlyq ūstazdar qauymy zor yqylaspen qoldady.
Bız Memleket basşysynyŋ Joldauy elımızge özındık serpılıs äkeledı degen senımdemız. Ūsynylǧan är tarmaq pen baǧdarda köterılgen özektı dünieler bolaşaǧymyz ben ışkı-syrtqy jaǧdaiymyz, mädenietımız ben örkenietımızdıŋ körkeiuı üşın maŋyzdy bolmaq. «Bılımdı ūrpaq – el erteŋı» ekenın eskersek, Prezidenttıŋ bılım salasyndaǧy künı bügınge deiın dau tuǧyzyp kele jatqan problemalardy ütır-nüktesıne deiın atap toqtalyp, olardy şeşuge tapsyrmalar beruı bılım salasyndaǧy mamandardy erekşe quantqany sözsız.
Aijan HİBADULLİNA,
Semei qalasynyŋ
Şäkärım atyndaǧy
Memlekettık
universitettıŋ
aǧa oqytuşysy
