Qazaqstan Halyq partiiasynyŋ Qostanai oblystyq filialynyŋ ökılderı «Allur» Ūlttyq kölık öndıruşısı kompaniiasyna baryp, ügıt-nasihat jūmysyn jürgızdı.
Partiia müşelerı quatty orta tap qalyptastyru, progressivtı körsetkış boiynşa esepteletın salyq engızu, sän-saltanat salyǧyn engızu, QQS-ty joiu jäne qarjy ainalymyna salynatyn bıryŋǧai salyq (5 paiyz) engızu, şyǧyny köp ıs-şaralardan bas tartu, zauyttar men fabrikalardyŋ sanyn köbeitu, zaŋsyz jekeşelendıru qorytyndysyn qaita qarastyru jäne taǧy basqa mäselelerdıŋ qajettılıgın atady.
Aita ketetını, Halyq partiiasynyŋ baǧdarlamasynda auditorlyq palata Mäjılıs qūramynda boluy qajet, sot pen qūqyq qorǧau jüiesındegı jemqorlyqty joiu, sudialardy halyq sailauǧa tiıs, sailanatyn jäne mäslihatqa esep beretın äkımder, bilıktegı äielderdıŋ sanyn arttyru, barlyq saiasi partiialardy tırkeu, azamattyq qoǧamdy damytu, qandastardy elge qaitaruǧa jaǧdai jasau bastamasyn köterude.
***
Qazaqstan Halyq partiiasyn qoldauşylar ündeu joldap, partiiany qoldauǧa şyqyruda. Sonyŋ bırı – sailauşy Anar Dükenbaeva.
Ol: «Bız äielderdıŋ – 58, erlerdıŋ 60 jasta zeinetke şyǧuyn qoldaimyz! Halyq partiiasy analardyŋ eŋbegın aqyly etudı jäne äleumettık qyzmetkerlerdıŋ märtebesın köterudı ūsynady. Bız köpbalaly jäne mügedek balalardyŋ ata-analarynyŋ tūraqty märtebesın bekıtudı ūsynamyz.
Mügedek bala tärbielep otyrǧan ata-ana 55 jasqa deiın zeinetke şyǧuy tiıs jäne olar üşın qysqartylǧan jūmys künı belgılenuı qajet» dedı.
