Astanada hokkeige qyzyǧatyn balalardyŋ sany artyp keledı. Oǧan är audannyŋ aşyq alaŋdarynda, mektepterdıŋ janynda jäne saiabaq pen özen üstıne jasalǧan mūz aidyndary da sep bolyp jatyr.
Hokkeidı äues körgen kışkentailardyŋ bır auyq basyn qosyp, bır-bırımen oinatyp tūrsa, būl sportqa degen qūmarlyq arta tüspek. Osyndai ıske Astana qalasynyŋ Mädeniet jäne sport basqarmasy bastamaşy bolyp, «Barys» mūz saraiynda balalar komandalary arasynda joldastyq match ūiymdastyrdy.
Qos komandanyŋ bırı Astanadaǧy №10 sport mektebı bolsa, ekınşı komanda Aqköl qalasyndaǧy balalar üiınıŋ tärbielenuşılerınen qūraldy. Söitıp 2005 jyly tuǧan balalar arasyndaǧy oiyn negızgı uaqytta bır ūpai aiyrmaşylyǧymen Aqkölden kelgen komandanyŋ jeŋısımen aiaqtaldy. Esep – 6:5.
№10 balalar men jasöspırımder sport mektebınde 5 jastan asqan baladan bastap qazaqstandyq hokkei ligasynyŋ jastar men jasöspırımder ligasynyŋ komandalaryna deiın oqidy. Mektep tülekterı – Jastar men Qūrlyqtyq hokkei ligalarynda oinaityn otandyq klubtardyŋ müşesı.
Orynbek ÖTEMŪRAT
