Germaniianyŋ Galle qalasynda ötken «Chemistry Cup» turnirıne qatysqan qazaqstandyq boksşylar täuır nätije körsetıp qaitty. Iliias Süleimenov altynnan alqa taqsa, Temırtas Jüsıpov, Berık Äbdırahmanov jäne Ädılbek Niiazymbetov syndy sportşylarymyz elge kümıspen oraldy.
Iliiastyŋ qarsylasy moldaviialyq Aleksandr Ryşkan aqtyq synǧa şyǧudan bas tartuyna bailanysty 52 kelı salmaqtaǧy jeŋıs bızdıŋ jıgıtke būiyrǧan bolatyn. Al 49 kelıde öner körsetken Temırtas Jüsıpov finalda Oŋtüstık Koreia ökılı Djongun Şinge 1:2 esebımen ese jıberdı. Ekeuınıŋ de Aziia chempiony bolǧanyn eskere otyryp, kezdesudıŋ tartysty bolǧanyna kümän tudyrmaimyz. Şin 2011 jyly qūrlyqtyŋ jeŋımpazy atansa, ol ataq Temırtasqa 2013 jyly būiyrǧan edı.
60 kelıdegı boksşymyz Berık Äbdırahmanov ta altyn jüldege talasu barysynda qarsylasyna 1:2 esebımen jol berıp, bükılälemdık WSB jobasyna qatysuşy irlandiialyq Devid Djois bırınşı orynǧa tūraqtady.
Bızdıŋ qorjynymyzǧa üşınşı kümıs jüldenı ädettegıdei 81 kelıdegı «Kümısbegımız», iaǧni, Ädılbek Niiazymbetov saldy. Älem jäne olimpiada oiyndarynyŋ jüldegerı būl joly Europanyŋ 2011 jylǧy jeŋımpazy ärı 2013 jylǧy älem bırınşılıgınıŋ qola medal iegerı Djo Uardtan ailasyn asyra almady. Esep taǧy da 1:2.
Būl turnirge 17 memleketten barlyǧy 106 boksşy qatysqanyn eskersek, bızdıŋ sportşylar körsetken nätijenı jaman deuge kelmeidı. Bügınge deiın «Chemistry Cup-tyŋ» altyn jüldesıne Vasilii Jirov (1995), Bolat Jūmadılov, Vasilii Jirov (1996), Bolat Jūmadılov, Serık Ömırbekov (1997), Ermahan Ybyriymov (1998), Bauyrjan Qaiyrmenov (2001), Serık Säpiev, Baqyt Särsekbaev (2005), Galib Djaparov, Qanat Iliiasov (2006), Serık Säpiev, Erdos Jaŋabergenov (2007), Serık Säpiev (2012), Bırjan Jaqypov, Merei Aqşalov (2013) sekıldı qazaqstandyqtar ielık etken eken.
