Memleket basşysy Qasym-Jomart Toqaev Premer-Ministr Asqar Mamindı qabyldady.
Prezidentke sanitarlyq-epidemiologiialyq jaǧdaidy tūraqtandyru üşın qabyldanyp jatqan şaralar jäne elımızdıŋ äleumettık-ekonomikalyq damuynyŋ özektı mäselelerı turaly baiandaldy. Asqar Mamin Prezidentke elımızdegı sanitarlyq-epidemiologiialyq jaǧdaidyŋ baqylauda ekenın jetkızdı. Sondai-aq ındettıŋ jaŋa tolqynyna daiyndyq jūmystary aiasynda jüzege asyrylyp jatqan şaralar turaly mälımet berıldı. Memleket basşysyna respublikalyq jäne aimaqtyq tūraqtandyru qorlarynyŋ qūrylǧany jäne densaulyq saqtau jüiesıne arnalǧan 91 türlı därı-därmek pen jeke qorǧanyş qūraldarynyŋ ekı ailyq qory jasaqtalǧany turaly aityldy. Därı-därmekterdıŋ tapşylyǧyn boldyrmau üşın därıhanalardyŋ bölşek sauda jüiesınde sūranysqa ie 33-ten astam preparat qory qosymşa jasaqtaluda. Asqar Mamin Qasym-Jomart Toqaevqa PTR test synamalaryn alu kölemın arttyru jūmystary turaly da mälımet berdı. Onyŋ aituynşa, zerthanalar sany 124-ke deiın köbeiıp, testıleu quaty täulıgıne 66 myŋǧa deiın jettı. Būl rette tūrǧyndardy test synamalarymen qamtu 2,5 ese ūlǧaitylyp, PTR test synamalaryn alu qūny tömendetıldı.
Sonymen qatar öŋırlerdegı biznes subektılerınıŋ jūmysy bırtındep qaita qalpyna keltırılude. Osy rette aimaqta virus jūqtyru ösımınıŋ tırkelmeuı, tūraqty epidemiologiialyq ahualdyŋ «jasyl» deŋgeide boluy eskerıledı.
Prezident koronavirus pandemiiasynyŋ aldaǧy ailardaǧy taraluyna qatysty Düniejüzılık densaulyq saqtau ūiymynyŋ pessimistık boljamdaryn eskerıp, Ükımet belgılegen jospardyŋ mültıksız oryndaluynyŋ maŋyzdy ekenın atap öttı. Karantindı küşeitu jönındegı qataŋ şaralardy käsıpkerlerdıŋ müddelerın jäne jalpy elımızdıŋ ekonomikalyq damuyn eskere otyryp qabyldaǧan jön.
