Memleket basşysy Qasym-Jomart Toqaev şveisariialyq «Roche Holding AG» farmasevtikalyq konsernınıŋ basqarma töraǧasy Kristof Fransty qabyldady.
Prezidentke elımızde qaterlı ısıkke qarsy innovasiialyq därı öndırısın aşu jobasynyŋ jüzege asyrylu barysy turaly aqparat berıldı. Tiıstı kelısımge bügın Qazaqstannyŋ Densaulyq saqtau ministrlıgı men «Roche Holding AG» kompaniiasy arasynda qol qoiyldy.
Kristof Frans Prezidentke qaterlı ısıktı anyqtaudyŋ innovasiialyq täsılderın igeruge qatysty Qazaq onkologiia jäne radiologiia ǧylymi-zertteu institutymen bırlese jürgızıp jatqan jūmystary turaly aitty.
Sonymen qatar kelesı jyly kompaniianyŋ qoldauymen Nazarbaev universitetı medisina mektebınıŋ bazasynda jergılıktı mamandardyŋ bılıktılıgın arttyruǧa arnalǧan zerthanalyq diagnostikalyq trening-ortalyǧyn aşu josparlanyp otyr.
Sondai-aq kezdesude Qazaqstanda medisina ǧylymyn damytu mäselesı de talqylandy.
