QR Prezidentı Nūrsūltan Nazarbaev Astana qalasyn odan ärı damytu mäselelerıne arnalǧan keŋes ötkızdı. Keŋes barysynda talqylanǧan mäselelerdıŋ bırı – Astanada kölık sanynyŋ köbeiuı boldy. Būl turaly Aqordanyŋ baspasöz qyzmetınen habarlady.
Astanada kölık sanynyŋ köbeiuı problemasy artyp keledı. Memleket basşysy fransuzdyq kompaniialarmen elordada jeŋıl relstı kölıktı ıske qosuǧa qatysty kelıssözder jürgızılgenın aitty.
«Olardyŋ tarapynan tym joǧary baǧa, 300 mlrd.-tan astam teŋgege ūsynys boldy, ol bızdıŋ köŋılımızden şyqqan joq. Sondyqtan qala äkımdıgı joǧary jyldamdyqtaǧy avtobus baǧyttaryna arnalǧan jolaqtar bölu türındegı balama nūsqany qarastyrudy ūsynyp otyr. Būl jobanyŋ bırınşı kezegı äldeqaida az şyǧyndy qajet etedı, sondyqtan ony engızumen ainalysu jönınde şeşım qabyldandy», – dedı Nūrsūltan Nazarbaev.
Keŋes barysynda Astana qalasynyŋ äkımı İ.Tasmaǧambetov intellektualdy kölık jüiesınıŋ äzırlenuı turaly habardar ettı. Ol 2016 jyly engızıledı jäne qaladaǧy barlyq kölık aǧynyn avtomatty rejımde retteuge mümkındık beretın bolady. Sondai-aq, Astana qalasynyŋ äkımı 1-Jylu-energiia ortalyǧyn qaita jöndeuden ötkızu jäne 2-Jylu-energiia ortalyǧy qūrylysynyŋ barysy turaly baiandady.
Keŋes qorytyndysynda Memleket basşysy elordany odan ärı damytuǧa, qalany abattandyruǧa jäne jylu beru mausymyn oidaǧydai ötkızuge qatysty bırqatar naqty tapsyrmalar berdı.
http://astana.gov.kz
